მა-12 ნაწილიშ შესავალ
იესო ხალხის ზეციერ სამეფოშ გურშენ ოგურუანდჷ. თეს გეძინელ, თიქ ხალხის დაგურუ, ნამდა ქილოცესკო ღორონთიშ სახელიშ განწმენდაშ, თიშ სამეფოშ მოულაშ დო დედამიწას თიშ ნებაშ შესრულებაშ გურშენ. მშობლეფ, გეუნწყით ბაღანეფს, მუზმათ მნიშვნელოვან რე თე ლოცვა ჩქინო. იესოქ სატანას ვემეჩ საშვალება, ნამდა ართგურობა მიოდინაფუკო. იესოქ მოციქულეფ გეგშეგორ; თინეფქ ღორონთიშ სამეფოშ პირველ წევრეფო გინირთეს დო მნიშვნელოვან როლს ასრულენა თე სამეფოს. ქიდეკვირით, მუნერ დუდგინოდვალირ რდჷ იესო ნამდვილ თაყვანიშმცემლობაშო. თის მთელ გურით ოკოდ, ქიმეხვარკო შხვეფს, ათეშენ ოსქილიდუანდჷ ლეხეფს დო ოდიარუანდჷ შქირენულეფს. ხვალე თენა ვარინ, ღურელეფს ხოლო ურთინუანდჷ სიცოცხლეს. თე სასწაულეფით იესოქ ოძირუ, მუს გაკეთენს ღორონთიშ სამეფო მთელ კაცობრიობაშო.