ᲒᲐᲙᲕᲔᲗᲘᲚ 61
თინეფქ თაყვან ვა ცესჷ კერპის
მეფე ნაბუქოდონოსორქ უცნაურ სიზმარ ძირუნ თიშ უკულ, ქიანაშმადიდა ოქროშ ქანდაკება გაკეთ. თიქ თე ქანდაკება დურაშ ველს ქიგედგჷ დო დიდებულეფ ქიჭანუ. თინეფ შქას რდესჷ შადრაქ, მეშაქ დო აბედნეგო. მეფექ ზოჯჷ: მუჟამსით საყვირიშ, ქნარიშ დო გუდასტვირიშ ხონარს ქიგეგონენთ, ბირგულ ქუდაშქვით ქანდაკებაშ წოხოლე! მით ბირგულს ვა დაშქვანს, გოთართალაფირ ფეჩქის ქიმთაჸათანა! მუს გაკეთენდ სუმ ებრაელ? ქანდაკებას დუშქვანდესო ბირგულს დოვარ იეჰოვაშ ართგურეფ დოსქიდუდეს?
მეფექ ზოჯჷ, ნამდა ქინამბარესკო დო ქიმიოგესკო მუსიკალურ ინსტრუმენტეფს. არძაქ ქეშანთხჷ დო თაყვანს ცენდეს ქანდაკებას, მარა შადრაქის, მეშაქის დო აბედნეგოს ბირგულ ვა დუშქუმალუნა. მსახურეფქ თენა ქოძირესინ, მეფეს უწუეს: თე სუმ ებრაელ თაყვანს ვა ცენსჷ სქან ქანდაკებას. ნაბუქოდონოსორქ თინეფს ქიმუჩინ: ხოლო ართ შანსის გარზენთ, ნამდა თაყვან ქოცათ თე ქანდაკებას. თაშ ვემიქციებუთ-და, გოთართალაფირ ფეჩქის ქიმთქორღვანთ! გიჩქუდან, ნამთინ ღორონთის ვარსხებეთ ჩქიმ ხეშე! ებრაელ ახალგაზრდეფქ უპასუხეს: ჩქი ვა მოსაჭირუნა მაჟია შანს, ჩქინ ღორონთ დამირსხენა. ვა დამირსხანინ ხოლო, იშენით ვა ფცენთჷ თაყვანს სქან ქანდაკებას.
ნაბუქოდონოსორქ მანგარო გერისხჷ. თიქ მუშ მსახურეფს უწუ: ფეჩქ ჩვეულებრივშე შქვითშა უმოსო გაფურეთ! უკულ ჯარიშკოჩეფს უზოჯ: დობორკით თინეფ დო ფეჩქის ქიმთარღვით! ფეჩქ თიცალ გოფურაფილ რდჷ, ნამდა ჯარიშკოჩეფქ ხოლოშა ქიმერთესინ, თიმ წუთის დოღურეს. თაშ ნამდა, სუმ ებრაელ ახალგაზრდა დაჩხირს ქიმთაჸათეს. მარა ნაბუქოდონოსორქ ფეჩქშა ქიმთიჯინუნ, თექ სუმიშ მანგიორო, ოთხ კოჩ ქოძირ. თინეფ შქა დაჩხირს გილეშეს. თეშ ძირაფაქ მეფე მანგარო დაშქურინუ დო მუშ მსახურეფს კითხჷ: სუმ კოჩ ვემთვოჸოთითო დაჩხირს? ოთხ კოჩის ვორწყექ დო თინეფშე ართ-ართ ანგელოზის მოგენს.
ნაბუქოდონოსორქ ფეჩქშა უმოს ხოლოშა ქიმერთჷ დო ქიდიძახ: უზენაეს ღორონთიშ მსახურეფ, გეგმორთით! არძა გაკვირებულ რდჷ თიშ ძირაფათ, ნამდა ფეჩქშე ეშულირ შადრაქის, მეშაქის დო აბედნეგოს მუთუნ ვაჭირუდეს. თინეფს ვართ კან, ვართ ბარგ დო ვართ თუმა ვა აფუდეს მიკოჭვილ, ინა ვარ, ფურკიშ შურ ხოლო ვა განთხანდეს.
ნაბუქოდონოსორქ თქუ: დიდებულ რე შადრაქიშ, მეშაქიშ დო აბედნეგოშ ღორონთ! თიქ მუშ ანგელოზ მაშქვჷ დო ირსხჷ თინეფ. ნამთინ ღორონთ ვა რე თიცალ!
ქუგაფუნო გინოჭყვიდილ, ნამდა მუდგაქ ვა მოხვადასინ, შადრაქ, მეშაქ დო აბედნეგოცალო, იეჰოვაშ ართგურქ ქუდოსქიდე?
„იეჰოვას, სქან ღორონთის, ცი თაყვან დო ხვალე თის შეუსრულ წმინდა მსახურება“ (მათე 4:10).