სამეფო, ნამუთ სადღამუშოთ იჸუაფ

ართ სერს ნაბუქოდონოსორქ უცნაურ სიზმარ ქოძირ. თე სიზმარქ მეფეს სვანჯ მეუდინუ დო მთელ სერს ვა დარულ. თიქ მუშ ჯადოქარეფს დოუძახ დო უწუ, გემინწყითია სიზმარ. თინეფქ უპასუხეს: ქომწით, მუქ გიგასიზმარ. მარა ნაბუქოდონოსორქ უწუ, მუთუნიშ რაგად ვამლამ, თქვა ქომწით, მუქ გიმასიზმარ, ვარა დორჸვილუნთია. თინეფქ კინ უწუეს: ქომწით, მუქ გიგასიზმარ დო უკულ შემალებენა, გეინწყათ. მეფექ უწუ: არძა ჩქიმ ღორებას ოცადუთ! ქომწით, მუქ გიმასიზმარ! ჯადოქარეფქ კინ უპასუხეს: ვა არსებენს კოჩ, მიდგას არაგადე დო ეიანწყინე, მუქ გიგასიზმარ. ვეკეთებე თინა, მუდგას ითხინქ.

ნაბუქოდონოსორქ თიშმანწარას გერისხჷ, ნამდა არძა ჭკვერ კოჩიშ ჸვილუა ზოჯჷ. თინეფ შქას რდესჷ დანიელ, შადრაქ, მეშაქ დო აბედნეგო ხოლო. დანიელქ მეფეს თხუ, ჭიჭე დრო ქიმუჩამუდუკო თიშა. უკულ თიქ დო თიშ მეგობრეფქ ილოცეს დო იეჰოვას თხუეს მოხვარა. მუჭო მიქცუ იეჰოვაქ?

იეჰოვაქ დანიელს ხილუათ ქაძირუ ნაბუქოდონოსორიშ სიზმარ დო თიშ ენწყუმა ხოლო ქუგაგებაფუ. მაჟია დღას დანიელქ მეფეშ მსახურს უწუ: ნამთინ ჭკვერ კოჩ ვა ჸვილათ. მა შემლებ, გეუნწყე მეფეᲡ სიზმარ. მსახურქ თინა მეფეშა ქიმიჸუნ. დანიელქ მეფეს უწუ: ღორონთიქ გაიცხად, მუ მოხვადუ მომავალს. თენა რე სქან სიზმარ: სი ძირჷ ართ ქვერსემ ქანდაკება, ნამდგას ოქროშ დუდ უღუდ, კიდირ დო კილეეფ – ვარჩხილიშ, ქვარა დო განთხეფ – სპილენძიშ, კუჩხეფ – რკინაშ დო ნარჩაკუჩხეფ – გვერდო რკინაშ დო გვერდო დიხაჭუბერიშ. გვალაშე ქუაქ გემკოხორცქჷ დო ქანდაკებაშ ნარჩაკუჩხეფს ქიგიანთხჷ. ქანდაკებაქ გეკიფუჩხოლ დო ბორიაქ დოხინწუ თინა. თი ქუაქ, ნამდგაქ ქანდაკებას გიანთხჷ, დიდ გვალათ გინირთჷ დო მთელ დედამიწა დოფორ.

უკულ დანიელქ უწუ: თენა რე სქან სიზმარიშ ენწყუმა: ოქროშ დუდ სქან სამეფო რე. ვარჩხილ თი სამეფო რე, ნამუთ სქან უკულ მოურს. თიშ უკულ ქუმურს სპილენძცალ სამეფო, ნამუთ მთელ დედამიწაშა იმმართველენს. უკულიან სამეფო რკინაცალ მანგარ იჸუაფ. ბოლოს ქუმურს სამეფო, ნამუთ გორთილ იჸი. თიშ ნამთინე ნაწილ რკინაცალ მანგარ იჸუაფ დო ნამთინე – დიხაჭუბერცალო ადვილო ტირხუნ ფერ. ქუა, ნამუთ გვალათ გინირთუ, ღორონთიშ სამეფო რე. თინა განადგურენს არძა თე სამეფოს დო მუ სადღამუშოთ იჸუაფ.

ნაბუქოდონოსორქ დანიელიშ წოხოლე დიხას ქეშანთხჷ დო უწუ: სქან ღორონთიქ გაიცხად თე სიზმარ. ნამთინ ღორონთ ვა რე თიცალ. საბოლათ, ნაბუქოდონოსორქ ვა ჸვილჷ დანიელ. თიქ თინა ჭკვერ კათაშ უნჩაშო დო ბაბილონიშ პროვინციაშ მმართველო ქუდარინუ. ქარწყექო, მუჭო უპასუხ იეჰოვაქ დანიელიშ ლოცვას?