ᲒᲐᲙᲕᲔᲗᲘᲚ 24
თინეფქ პირობა ვეშასრულეს
იეჰოვაქ მოსეს უწუ: ჩქიმწკუმა გეკორთჷ გვალაშა. ქუაშ ფილეფს ქიგვოჭარანქ ჩქიმ კანონეფს დო ქიმერჩანქ. მოსექ ხოლო გეკორთჷ დო 40 დღა დო სერს თექ ქუდოსქიდ. თინა გვალას რდუნ თეშ, იეჰოვაქ ვით მცნება ქიგიოჭარ ქუაშ ჟირ ფილას დო მოსეს ქიმეჩ.
მუსხირენ დღაშ უკულ ისრაელეფქ იფიქრეს, ნამდა მოსექ მიოტუ თინეფ. ათეშენ აარონს უწუეს: ხელმძღვანელ მოსაჭირუნა. გამკეთით ღორონთ! აარონქ უპასუხ: ქომუჩით თქვან ოქროეფ. თიქ გეგნანდღულუ შაყარელ ოქრო დო თიშე გინიშ ქანდაკება გაკეთ. ხალხიქ თქუ: თე გინ რე ჩქინ ღორონთ, ნამდგაქ ეგვიპტეშე გიშამიჸუნეს! თაშ ნამდა, თინეფქ ოქროშ გინს ქუდუჭყეს თაყვანიშცემა დო ზეიმენდეს. სწორ რდუო თენა? მუშო ოკო რაგად, ვარ, მუშენდა თე ხალხის პირობა აფუდ დოდვალირ, ნამდა ხვალე იეჰოვას ცენდესკონ იჸიდ თაყვანს. მარა თინეფქ პირობა ვეშასრულეს.
იეჰოვაქ ქოძირ თე ირფელ დო მოსეს უწუ: გეგმორთ ხალხშა. თინეფ კვარჩხულო იქციებუნა დო ტყურაღორონთის ცენა თაყვანს. მოსექ გეგმორთჷ გვალაშე დო ჟირ ფილა ხოლო მოლეღ.
ბანაკიშ ხოლოშა ქიმერთუნ, ხალხიშ ბირაშ ხონარქ ქელასიმ. თიქ ქოძირ, ნამდა თინეფ სხაპუნდეს დო ბირგულს ოშქვანდეს გინიშ წოხოლე. მოსექ თეშ გერისხჷ, ნამდა ქუაშ ფილეფ ქუდარღვჷ დო თინეფქ ფია-ფიათ გეკოცუ. მოსექ ხეთე გაკოტახ გინიშ ქანდაკება. უკულ აარონს კითხჷ: მუჭო გოკეთებაფუ ხალხიქ თეცალ საშინელება? აარონქ უპასუხ: ვაგამდღანა. გვალო ჯგირო გიჩქჷ, მუნერ რე თე ხალხ. თინეფს ღორონთ ოკოდეს; თაშ ნამდა, თინეფიშ ოქროეფ დაჩხირს გეგნვონდღულე დო გინიშ ქანდაკება გუვაკეთ. მუშო ოკო რაგად, აარონს ვა აფუდ თენა ოკეთებელ. მოსექ კინ გეკორთჷ გვალაშა დო იეჰოვას ეხვეწ, ქაპატუკო ხალხის.
იეჰოვაქ ხვალე თინეფს აპატუ, მით მზათ რდესჷ დემორჩილესკო თის. ქარწყექო, მუზმათ მნიშვნელოვან რდჷ, ისრაელეფქ მიაჸუნესკო მოსეშ ხელმძღვანელობას?
„მუჟამსით ღორონთის პირობას არზენქ, ვეგნოდვა თიშ შესრულება, მუშენდა ღორონთის ვა მოწონს უჭკუე კოჩ. შეასრულ პირობა“ (ეკლესიასტე 5:4).