იეჰოვაშა მეჩამილ პირობა

ეგვიპტეშ დოტებაშე ჟირ თუთაშ უკულ ისრაელეფქ სინაიშ გვალას ქიმიოდირთეს დო თექ გოფაჩეს კარავეფ. იეჰოვაქ მოსე გვალაშა ქიჭანუ დო თექ უწუ: მა იბრსხჷ ისრაელეფ. ჩქიმ მორჩილეფ ქიჸუაფუნა დო ჩქიმ კანონეფს დეცვენან-და, გიშაგორილ ხალხ იჸუაფუნა ჩქიმო. მოსექ გვალაშე გიმილ დო იეჰოვაშ ნარაგად ისრაელეფს გეგნოჩ. მუ რეაქცია უღუდეს თინეფს? თინეფქ თქუეს: იეჰოვაშ არძა სიტყვას შევასრულენთ.

მოსექ კინ გეკორთჷ გვალაშა. თექ იეჰოვაქ უწუ: სუმ დღაშა დოირაგადუანქ. გაფრთხილ ხალხ, ნამდა ვემინდომან სინაიშ გვალაშა ეკულა. მოსექ გვალაშე გეგმართჷ დო ისრაელეფს უწუ, მემზადესკო იეჰოვაშ მარჩქილაფარო.

სუმ დღაშ უკულ, ისრაელეფქ გვალაშ დუდის უჩა მუნაფა ქოძირეს, უკულ ვალ დო გურგინქ გეტირხჷ დო საყვირიშ ხონარქ ხოლო გისიმ. თეშ უკულ იეჰოვაქ გვალაშა დაჩხირით გეგმართჷ. ისრაელეფქ თიშმანწარას დოშქურდეს, კანკალქ გეუოლეს. მთელ გვალაქ დიზარზალუ დო ფურკით დიფორ. საყვირიშ ხონარ უმოსო დო უმოსო იძინანდჷ. ბოლოს ღორონთიქ თქუ: მა ვორექ იეჰოვა. ჩქიმ მეტ შხვა ღორონთეფს ვა ცათჷ თაყვან.

მოსექ კინ გეკორთჷ გვალაშა; თექ იეჰოვაქ კანონეფ ქიმეჩ თიშ გურშენ, მუჭო ოკო ცუკო ხალხიქ ღორონთის თაყვან დო მუჭო ოკო მიქცუესკო. მოსექ ქენიჭარ თე კანონეფ დო უკულ ისრაელეფს წუკითხჷ. ხალხიქ პირობა დოდვჷ, ნამდა ირფელს გაკეთენდეს, მუდგას იეჰოვა უწინდჷ თინეფს. თაშ ნამდა, თინეფქ პირობა მეჩეს ღორონთის. საინტერესო რე, შეასრულენდესო ისრაელეფ დოდვალირ სიტყვას?