დაჩხირმონტებულ ბართვ

მოსე მიდიანს 40 წანას ცხოვრენდჷ. თექ ოსურ ქიმიჸუნ დო ბაღანეფქ ქაშუ. ართ დღას, მუჟამსით სინაიშ გვალაწკუმა მუშ შხურეფს ჭყიშანდჷ, სარკო მუდგარენ ქოძირ: ძიგირამ ბართვის დაჩხირ ონტუდ, მარა ვეჭუდ. მოსექ ხოლოშა ქიმერთჷ, ნამდა ქოძირუკო, მუშენ ვეჭუდ თინა. თე დროს ბართვშე ხონარ ქიგეგ: მოსე, ხოლოშა ვამორთა! გემინწყ სანდალეფ, მუშენდა წმინდა ადგილს გერექ! თენა იეჰოვაშ ხონარ რდჷ, ნამუთ ანგელოზიშ საშვალებათ ურაგადუდ მოსეს.

მოსეს აშქურინ დო სახე დიფორ. ხონარქ თის უწუ: ქობძირ, მუჭო იტანჯებუნა ისრაელეფ. დებრსხენქ თინეფს ეგვიპტელეფშე დო ჯგირ დიხაშა მიდეპჸუნანქ. სი ქეწაჸუნუქ ჩქიმ ხალხის დო გეგშეჸუნანქ ეგვიპტეშე. მუშო ოკო რაგად, მოსეს მანგარო გაკვირენდ თე ამბე.

უკულ მოსექ ღორონთის კითხჷ: მუ უპასუხა, მუჟამსით ხალხ პკითხენს, მიქ მუგაშქუა? ღორონთიქ უპასუხ: ქუწი, ნამდა იეჰოვაქ, აბრაამიშ, ისაკიშ დო იაკობიშ ღორონთიქ მუგაშქვჷ. მოსექ კინ კითხჷ: ვა დამჯერან დო ვამრჩქილანინ, მუ ფქიმნა? იეჰოვაქ მოსეს დუმტკიც, ნამდა ქიმეხვარებუდ. ქოიჩქუნო, მუჭო აკეთ თენა? თიქ მოსეს უწუ, მუშ კეტ დიხას ქუდაჸათუკო. კეტიქ გვერო გინირთჷ! მოსექ გვერს კუდელს ხე ქიმეთხუნ, თიქ კინ კეტო გინირთჷ. იეჰოვაქ მოსეს უწუ: თე სასწაულს გაკეთენქინ, თეთ დემტკიცებ, ნამდა ჩქიმ მეშქუმალირ რექჷ.

მოსექ იეჰოვას უწუ: მიჭირს რაგად, ჯგირ მორაგადე ვა ვორექ. მარა იეჰოვაქ თის დეპირ: მა გიწინქ, მუ თქუე დო სქან ჯიმას, აარონს, გეგმიბრინუანქ, ნამდა ქიმგეხვარას. მოსექ დერწმუნ, ნამდა იეჰოვა იჸუაფუდ მუწკუმა. ათეშენ გეჭოფ მუშ ჩილ დო სქუა დო ქიგიაჸუნ ეგვიპტეშ შარას.