ოჯახეფი, აკოკათელო თაყვან ცით იეჰოვას!

თე ბროშურაშე ქობძირით, ნამდა ბიბლიას მოჩამილ რე ანაყუ პრინციპი, ნამუთ მიგეხვარებნა მუჭოთ თქვა, თეშ თქვან ოჯახის ხოლო. იეჰოვას ოკო ბედნერეფ რდათ. თინა მოპირუნა, ნამდა პირველ რიგის თიშ თაყანიშცემას ქიგვორინუანთ-და, შხვა მუთუნ ვამმოკორდუნა (მათე 6:33). ღორონთის ოკო, ნამდა თიშ მეგობრეფი ვორდათ. ირფელ გაკეთით თის დემეგობათინ. თე ქიანას ღორონთიშ მეგობარ რდენ თიშ უმოს დიდ პატი ვა არსებენს (მათე 22:37, 38).

1 გაუჯგუშით იეჰოვაწკუმა ურთიერთობა

მუს იჩიებ ბიბლია: იეჰოვა იჩიებუ: „მა იპჸიქ თქვან მუმა დო თქვა იჸით ჩქიმ ქომოლსკუალეფ დო ოსურსკუალეფ“ (2 კორინთელები 6:18). ღორონთის ოკო, ნამდა თიშ ხოლოშიან მეგობარქ იჸუათ. თეშო ართ-ართ საშვალება ლოცვა რე. იეჰოვა მირაგადუნა: „ირიათო ილოცით“ (1  თესალონიკელები 5:17). თის მთელ გურით ოკო, მუდგაშენ ფიქრენთ დო გიჭირან თიშ გურშენ ქეჩუათ (ფილიპელები 4:6). მუჟამსით ოჯახიშ წევრეფწკუმა ართო ლოცულენთინ, თინეფ ორწყენა, ნამდა ღორონთი თქვანო რეალურ პიროვნება რე.

ღორონთწკუმა ხვალე ჩიება ვარინ, თიშ მორჩქილაფა ხოლო რე საჭირო. იეჰოვას ქუმურჩქილუანთ, მუჟამსით ქიდიგურუანთ თიშ სიტყვას დო ბიბლიაშა გერსხილ პუბლიკაციებს (ფსალმუნი 1:1, 2). იფიქრით ნაგურეფშენ (ფსალმუნი 77:11, 12). ღორონთიშ მორჩქილაფაშა თინა ხოლო მიშურს, რეგულარულო დესწრათ კრებაშ შეხვალამეფს (ფსალმუნი 122:1—4).

ღორონთწკუმა ურთიერთობაშ გაუჯგუშებელო მნიშვნელოვან რე ხოლო ართ მუდგარენ — შხვეფწკუმა თიშ გურშენ ჩიება. იეჰოვაშ გურშენ, მუთ უმოს ხშირაშე იჩიებუთინ, თით უმოსის დეახლოებუთ თის (მათე 28:19, 20).

მუ ოკო ქიმინათ:

• ირ დღას გეგმორთით დრო, ბიბლია წეკითხათ დო ქილოცათინ თიშო.

• მოსვანჯა დო დუდიშ ართუაფაშ წოხოლე სულიერ საქმეეფ ქიგიორინეთ.

2 გეხარით ოჯახწკუმა ართო თაყვანიშცემათ

მუს იჩიებ ბიბლია: „დეახლოვით ღორონთის დო თინა ხოლო დეგეახლოებუნა“ (იაკობი 4:8). მიაჸუნით ოჯახურ თაყვანიშცემაშ პროგრამას რეგულარულო დო ქეცადით დღას ვა გოიჩირთან თიქ (დაბადება 18:19). მარა ხვალე თენა ხოლო ვა რე დასაბაღუ. ჩქი ირ დღას ოკო ვოძირათ, ღორონთიშ მსახურეფ ვორეთინ თინა. ქიმეხვარით თქვან ოჯახიშ წევრეფს, გაუჯგუშან ღორონთწკუმა ურთიერთობა დო ეჩით თინეფს, მუჟამს ჸუდეს ხეთინ, შარას მეურთინ, ინჯირუთინ დო ედირთუთინ (კანონი 6:6, 7). მიზანო გიღუდან, მიაჸუნათ იესო ნავეშ სქუაშ მაგალითის, ნამუქით თქუ: „მა დო ჩქიმ ჸუდეშარეფი იეჰოვას ვემსახურებუთ“ (იესო ნავეს ძე 24:15).

მუ ოკო ქიმინათ:

• ქიმიფიქრით თინერ ოგურაფალ პროგრამა, ნამუსით ოჯახიშ თითოულ წევრის ოსაჭირუნ ფერ საკითხეფ იჸუაფ მოჩამილ.