მუ რე ოჯახურ თაყვანიშცემა?

უჯვეშაშ დროშე მოჸუნაფილ, იეჰოვას ოკოდ ოჯახიშ წევრეფი ხშირას ართო აკოშაყარედესკო, ნამდა მუწკუმა ხოლოშიან ურთიერთობაქ ქაღვენუესკო დო სულიერო გემანგარესკო (კანონი 6:6, 7). ათეშგურშენ იეჰოვაშ მოწმეეფი მარაშე ართ დღას გიმორთუნა ოჯახწკუმა ართო თაყვანიშცემაშო; თინეფ ართო აკოხუნელო, გემუანაშე გენიხილენა ოჯახის ოსაჭირუნ ფერ ბიბლიურ საკითხეფს. ხვალე ქოცხოვრენთ-და თიწკუმა ხოლო შეილებნა თე დრო ბიბლიაშ ოგურაფალო გეგმირინუათ დო ღორონთიშ სიტყვაშე ნამდგაინ საკითხ ქიდიგურუათ.

ოჯახურ თაყვანიშცემა მაახლოვენა იეჰოვაწკუმა. „დეახლოვით ღორონთის დო თინა ხოლო დეგეახლოვებუნა“ (იაკობი 4:8). ჩქი უჯგუშო იფჩინებაფუანათ იეჰოვას, მუჟამსით ბიბლიაშე უმოსის ბგებულენთ თიშ თვისებეფიშ დო საქმეეფიშ გურშენ. ოჯახწკუმა თაყვანიშცემაქ გეგეადვილანი თიშენ, დუდშე ბიბლია ართო იკითხით ხონარმაღალო, მაგალთო, „თეოკრატიულ მსახურებაშ სკოლაშ“ გეგმაშ მეჸუნელო. თე მონაკვეთიშ კითხირიშ დროს ოჯახიშ თითოულ წევრის შეულებ მიღას მონაწილება დო თეშ უკულ ართო გენიხილან, მუთ იგურესინ თინა.

ოჯახურ თაყვანიშცემა ოჯახიშ წევრეფს აახლოვენს ართიანწკუმა. ჩილ დო ქომონჯი, მშობლეფი დო სქუალეფი უმოსო ეახლოვებუნა ართიანს, მუჟამს ბიბლიას ართო გურაფლენა. ოჯახიშ წევრეფ ოკო მიახიოლანდან ოჯახურ თაყვანიშცემაშ ჩატარებას. ოჯახურ თაყვანიშცემაქ მუთ შილებე გემუანაშე ოკო ჩეტარინას. მშობლეფქ ოგურაფალ მასალა ბაღანეფიშ ხანს უხუჯანსინ თეშ ოკო გიშაგორან. მაგალთო, თინეფს შეულებნა გიმირინუან „საგუშაგო კოშკი“ დო „გამოიღვიძეთ“-შე შხვადოშხვა რუბრიკა ვარდა ვებ-გვერდის (tv.jw.org) მოჩამილი ინფორმაცია. თქვა შეილებნა იჩუათ პრობლემეფშენ, ნამუსით ბაღანეფი შეთმოხვადუნა სკოლას დო ართო დოგორათ საშველი. თქვა შეილებნა ობირეშეფიშ მომზადება ხოლო, ნამუთ უკულიან მარას კრებაშ შეხვალამეფს გაჸინა ობირე; დო ბოლოს, ოჯახურ თაყვანიშცემაშ უკულ შეილებნა ოსერშე ართო ოჭკომათ.

ოჯახწკუმა ართო თაყვანიშცემაშო მარაშ ნამდგაინ დღას გეგმორთუნთ-და, თენა ოჯახიშ თითოულ წევრის მეხვარებ ღორონთიშ სიტყვაშ სიგემუანე ქიგინას; მანგიორ ღორონთი ეგოფშანა ხვამათ დო ჯგირობუათ (ფსალმუნი 1:1—3)..

• მუშენ ოკო გიმორთე დრო ოჯახურ თაყვანიშცემაშო?

• მუ ოკო აკეთან მშობლეფქ, ოჯახიშ თითოულ წევრიქ გურაფაშე სიგემუანე ქიგინასინ?