მუჭო შილებე გიღუდან მშვიდობა ოჯახიშ წევრეფწკუმა

ქორწინებათ დაჭყაფ მიაჩამუ ახალ ოჯახის. მართალ რე, ქორწინებაშ უკულ ხოლო ოკო გიჸორდან თქვან მშობლეფი, მარა რშუდან, ნამდა დაოჯახებაშ უკულ მეუღლე თქვანო არძაშ უმოს საჸოროფო დო მნიშვნელოვან პიროვნება იჸუაფ მთელ ქიანას. შილებე სქან ოჯახიშ ნამდგაინ წევრის თეშა მანგარ მიორჩქვანაფალქ აჸუას. მარა ბიბლიურ პრინციპეფიშ მოხვარათ თქვა შეილებნა ურთიერთობეფი თეშ დაბალანსათ, ნამდა ოჯახიშ წევრეფწკუმა მშვიდობიან ურთიერთობა ირიათო გიღუდან დო ახალ ოჯახი ხოლო გამანგარათ.

1 მუჭო ოკო მეუდირთათ ოჯახიშ წევრეფს

მუს იჩიებ ბიბლია: „პატი ქოცი მუმას დო დიდას“ (ეფესოელები 6:2). მუსხი წანერ ვა რდათინ, ირო ოკო ცათ პატი თქვან მშობლეფს. თის ხოლო ქუგუჩით გურ, ნამდა თქვან მეუღლე ვალდებულ რე, ყურადღება მიაქცუას მუშ მშობლეფს. „ჸოროფას ვანჯარ“, თენა ნიშნენს, ნამდა გურქ ვა მოირთან ოკო, თქვან მეუღლეს მუშ მშობლეფწკუმა ურთიერთობაქ ქაღვენუ-და (1 კორინთელები 13:4; გალატელები 5:26).

მუ ოკო ქიმინათ:

• ვა თქუათ თიცალ სიტყვეფ, მუნერით რე: „სქან ოჯახი ირო მამცირენს“ ვარდა „დიასქანს მეწონებუნ ფერქ მუთუნქ ვა მაკეთებუ“.

• ქეცადით, საკითხეფს თქვან მეუღლეცალო უჯინათ.

2 საჭირო რენ თიმ დროს, გეგმირჩქინით სიმანგარე

მუს იჩიებ ბიბლია: „მიოტენს კოჩი მუმას დო დიდას, ქიმკაჭაბუ მუშ ოსურს დო ართ ხორც იჸუაფუნა“ (დაბადება 2:24). ქორწინებაშ უკულ შილებე თქვან მშობლეფ ფიქრენდან, ნამდა დიო ხოლო უღუნა პასუხიშმგებლობა, იზრუნან თქვანო დო ათეშგურშენ შილებე მეთხუებუნან თიშე უმოსო იკორინუან, ჩერუან თქვან ოჯახიშ ცხოვრებას.

თქვან დო თქვან მეუღლეშ გინაჭყვიდირალ რე, მუსხიშ უფლებას მეჩანთ მშობლეფს, ჩერუან თქვან ოჯახის; მუდგას გინოჭყვიდუნთინ თინა გემუანო დო ტაქტიანო ქოუწით. რდათ გურგონწყუმილ დო პირდაპირ, კვარჩხულო ვეჩუათ (იგავები 15:1). თანდაბლობათ, ლიბ ხასიათით დო მოთვინებაშ ჭყოლოფუათ გემუან ურთიერთობა გაღვენუნა დო ჸოროფათ მუთვინენთ ართიანს (ეფესოელები 4:2).

მუ ოკო ქიმინათ:

• ვა გოკონა თქვან ცხოვრებას თქვან ოჯახიშ წევრეფქ ჩერუან-და, თეშგურშენ შეილებუნა ქუწუათ მეუღლეს წყნარ დო მშვიდ სიტუაციას.

• ქიმირაგაგადეთ, მუჭო გინოჭყვიდათ თე საკითხი.