მუშენი უშვენს ღორონთი ბოროტება დო ტანჯვას?

1. სოვრეშე გორჩქინდ ბოროტებაქ?

ბოროტებაქ დედამიწას თი დროს გორჩქინდ, მუჟამს სატანაქ პირველი ტყურა თქუ. დუდშე სატანა სრულყოფილ ანგელოზი რდუ, მარა „ჭეშმარიტებაშა ვეგიარინუ“ (იოანე 8:44). თიქ მინდომუ, ადამიანეფს მუშა უცემდესკო თაყვანი, მარა თაყვანისცემა ხვალე ღორონთის ოკუთნუ. სატანაქ დაღორუ პირველი ოსურკოჩი, ევა დო დარწმუნუ, ღორონთიშ მანგიორო მუს დემორჩილკო. ადამქ ევას ქუდაჸუნუ დო თიქ ხოლო ვედემორჩილუ ღორონთის. ადამიშ თეცალი საქციელქ არძას ღურა დო ტანჯვა მომღეს. წეკითხით დაბადებაშ 3:1—6, 19.

სატანაქ ღორონთიშ უზენაესობაშ წინააღმდეგ მიდართ, მუჟამს ევა გეიახნარ, ვედემორჩილკო ღორონთის. ხალხიშ უმოსობაქ სატანას ქიმეჩუ ხუჯი დო უარყუ ღორონთი, მუჭოთ მართველი. ათაში გინირთუ სატანაქ „ქიანაშ მართველო“. წეკითხით იოანეშ 14:30; 1 იოანეშ 5:19.

2. მუთუნი კილი უღუდუო ღორონთიშ ქმინელებეფს?

ღორონთიშ არძა საქმე სრულყოფილი რე. ღორონთიშ გუნარჩქინა ადამიანეფს დო ანგელოზეფს შეულებუდეს, თიშ მოთხოვნეფს სრულყოფილო დემორჩილესკო (კანონი 32:4, 5). ღორონთიქ ადამიანეფს მეჩუ არჩევანიშ თავისუფლება, მუნეფიშით გინოჭყვიდესკო, სიკეთეს აკეთენდეს თუ ბოროტებას. ზუსტას თე თავისუფლება მარზენა საშუალებას, ღორონთიშ მიმართ ჩქინი ჸოროფა გაგმოფხანტათ. წეკითხით იაკობიშ 1:13—15; 1 იოანეშ 5:3.

3. მუშენი დუშვუ ღორონთიქ ტანჯვა თესხი ხანს?

მუშენი დუშვუ ღორონთიქ თესხი ხანით ადამიანეფიშ უდუჯერებუობა? არძაქ ოკო ქოძირუკო, ნამდა ღორონთიშ ხელმძღვანელობაშ უმშო, კოჩი დღას ვეჸუაფუდუ ბედნიერი (ეკლესიასტე 7:29; 8:9). თეს კაცობრიობაშ 6000-წანიანი ისტორია ხოლო ამტკიცენს. ნამთინი მთავრობას ვეშიალებუ ჩხუპიშ, დამნაშავეობაშ, უსამართლობაშ დო ლახალაშ მოსპუალა. წეკითხით იერემიაშ 10:23; რომაელეფიშ 9:17.

მარა ღორონთი კურთხევეფს ვემიარკენს თინეფს, მიდგა თიში მართველობას ეირჩიენს (ესაია 48:17, 18). მალას იეჰოვა არძა მთავრობას განადგურენს. დედამიწას ხვალე თინეფი იცხოვრენა, მით მუნეფიშ მართველო ღორონთის აღიარენს (ესაია 11:9). წეკითხით დანიელიშ 2:44.

ქუჯინით ვიდეოს „მუშენ უშვენს ღორონთ ტანჯვას?“

4. მუში საშუალება მუჩეს ღორონთიშ მოთმინებაქ?

სატანა ამტკიცენდ, ნამდა სუფთა დო ალალი გურით ღორონთის მითინ ვემსახურებუდუ. პირადო თქვა შეილებუნა დამტკიცათ, ნამდა თენა ვარე მართალი! ღორონთიშ მოთმინებაშ ჭყოლოფუათ არძას მიღუნა საშუალება, ვარდა ღორონთიშ მართველობაშ მხარე დებკინათ, ვარდა ადამიანეფიშ მართველობაშ. ჩქინი ცხოვრება ოძირანს ჩქინი არჩევანს. წეკითხით იობიშ 1:8—12; იგავეფიშ 27:11.

5. მუჭო დებკინათ ღორონთიშ მართველობაშ მხარე?

ღორონთიშ მართველობაშ მხარე ქიდებკინათინ, პირველი რიგის ოკო მიჩქუდანი, მუნერი თაყვანისცემა მოწონს ღორონთის დო თაყვანი თიშნერო ფცათი (იოანე 4:23). იესოცალო ჩქი ხოლო ვევერიებუთუ პოლიტიკას დო ვაბღებულენთ მონაწილეობას ჩხუპის. ათეთ ვოძირანთ, ნამდა ვავორეთ სატანაშ მართველობაშ მხარეს. წეკითხით იოანეშ 17:14.

სატანა მუში ძალას თიშო ირინუანს, ნამდა ხალხის ზნეშერცხვენილი დო გლახა საქმეეფი გაკეთებაფუას. მუჟამს ვავორთუთ თეცალ მუთუნს, შილებე ჩქინი ნამთინე მეგობარქ დო ნათესექ ქიგმაძიცუანი, ვარდა ქიმეწინააღმდეგანი (1 პეტრე 4:3, 4). ზუსტას ათე დროს გივორეთ არჩევანიშ წოხოლე. ეშმაკი აცხადენდუ, ნამდა წინააღმდეგობაშ დროს მითინ ვეჸინია ღორონთიშ ერთგული. მარა მუჟამს ღორონთიშ კანონეფიშ თანახმათ ფცხოვრენთ დო მიღუნა ურთიერთობა ღორონთიშ მოჸოროფე ხალხწკუმა, ვამტკიცენთ, ნამდა ეშმაკი ტყურას იჩიებუდ. წეკითხით 1 კორინთელეფიშ 6:9, 10; 15:33.

ღორონთის უჸორს ადამიანეფი დო თენა მარწმუნენა, ნამდა თინა ბოროტება დო ტანჯვას