გაკვეთილ 4
მი რე იესო ქრისტე?
1. მუჭო გორჩქინდ იესოქ?
იესოშ ნამუ თვისებეფი რდუ მიმზიდველი ადამიანეფშო? (მათე 11:29; მარკოზი 10:13—16).
სოიშა დედამიწაშა მიშუ, იესო სულიერი პიროვნება რდუ დო ცას ცხოვრენდუ (იოანე 8:23). იესო ღორონთიშ პირველი ქმნილება რდუ. თინა იფრელიშ შექმნას ოხვარუდ მუშ მუმას. იესო რე ართკაკალი ქმნილება, ნამუთ იეჰოვაქ მითინს ვამუხვარებუ თეშ ხვალე შექმნუ; ათეშგურშენი ჯოხო თის ღორონთიშ აკასქუა (იოანე 1:14). იესოს სიტყვა ხოლო ჯოხო, მუშენდა თინა ღორონთიშ სიტყვას გინმოჩანდუ ადამიანეფს. წეკითხით იგავეფიშ 8:22, 23, 30; კოლოსელეფიშ 1:15, 16.
2. მუშენი მორთ იესოქ დედამიწაშა?
ღორონთიქ მუში სქუა დედამიწაშა მაშქუ. ათეშენი თიქ იესოშ სიცოცხლე ართი ებრაელი ცირასქუაშ, მარიამიშ სასქუოშა გინიღუ. თაში ნამდა, იესოს დედამიწას მუმა ვაჸუნდუ (ლუკა 1:30—35). თიქ დედამიწაშა თიშენი მორთუ, ნამდა: 1) ხალხის დაგურუკო სიმართლე ღორონთიშ შესახებ, 2) მუში მაგალითით მოძირესკო, მუჭო შიმნარჩუნათ ღორონთიშ მიმართ ერთგულება გაჭირება დო სირთულეეფიშ დროს, 3) მუში სრულყოფილი სიცოცხლეთ „ბრელი გეგშეჸიდუკო“. წეკითხით მათეშ 20:28.
3. მუშენი მოსაჭირნა გიშაჸიდირალი?
გიშაჸიდირალი ნიშნენს, ადამიანიშ ღურაშე ორსხებელო გაფილი საფასურს (გამოსვლა 21:29, 30). დუდშე ღორონთიშ ჩანაფიქრიშა ვემშეშუ ღურა დო სირჩინუე. სოვრეშე მიჩქუნა თენა? ღორონთიქ გაფრთხილუ პირველი ქომოლკოჩი ადამი, ნამდა ცოდვას ჩედინენდუდა, აუცილებელო დოღურუდუ (დაბადება 2:16, 17; 5:5). თაში ნამდა, ადამს ვეშუცოდებუდუკონ, დღას ვაღურუდუ. ბიბლიაშე ბგებულენთ, ნამდა ადამიანეფიშ ღურაქ ადამშე მორთუ, თიქ მუში შთამომავლობას ცოდვა დო ცოდვაწკუმა ართო ღურა გინოჩუ. წეკითხით რომაელეფიშ 5:12; 6:23.
მის შეულებუდ გიშაჸიდირუა? ადამიანს ღურათ ხვალე მუში ცოდვეფიშ ფორუა შეულებუ, მარა ნამთინ არასრულყოფილი ადამიანს ვეშულებ მუში ღურათ შხვაშ ცოდვეფიშ ფორუა. წეკითხით ფსალმუნიშ 49:7—9.
4. მუშენი ღურ იესოქ?
ჩქინდე განსხვავებით იესო სრულყოფილი რდუ. ათეშგურშენი, თის ვასაჭირუდ ღურა მუში ცოდვეფიშ გიშაჸიდირალო. თის დღას ვეშუცოდებ. იესოქ შხვაშ ცოდვეფიშ გურშენი ღურ. ღორონთიქ დიდ ჸოროფა გიმირჩქინ ადამიანეფიშ მიმართ, მუჟამს მუში სქუა მაშკუ დედამიწაშა. იესოქ ხოლო გიმირჩქინ ჩქინი მიმართ ჸოროფა, მუჟამს მუმას დემორჩილუ დო ჩქინი გურშენი მუში სიცოცხლე დათმუ. წეკითხით იოანეშ 3:16; რომაელეფიშ 5:18, 19.
ქუჯინით ვიდეოს „მუშენი ღურ იესოქ?“
5. მუს აკეთენს იესო ამდღა?
მუჟამს იესო დედამიწას რდუ, თინა ლეხეფს ოსკილიდუანდუ, ღურელეფს ეიოდგინანდუ დო ხალხის საფრთხეშე იცვენდუ. ათეთ იესოქ მოძირეს მუში კეთებას აპირენს მომავალს ღორონთიშ მორჩილი ხალხშო (მათე 15:30, 31; იოანე 5:28). ღურაშ უკული ღორონთიქ იესოს სულიერი სხეული დურთინუ (1 პეტრე 3:18). ათეშ უკული იესოქ ღორონთიშ მორძგვიშე დოზოჯუ დო ელუდუ თი დროს, მუჟამს ღორონთი იფრელს დუმორჩილენდუ, მუჭოთ მეფეს (ებრაელები 10:12, 13). ამდღა იესო მეფენს ცას დო თიშ მიმდევრეფი მთელი მსოფლიოს ქადაგენა თე სახიოლო ამბეს. წეკითხით დანიელიშ 7:13, 14; მათეშ 24:14.
მალას იესო გეგმირინუანს მუშ ძალაუფლებას, ირნერი ტანჯვას მუღენს ბოლოს დო განადგურენს არძას, მიდგა რე თეში მიზეზი. არძა, მით რწმენას გიმირჩქინანს იესოშ მიმართ დო დემორჩილებუ თის, იცხოვრენს სამოთხეს დედამიწას. წეკითხით ფსალმუნიშ 37:9—11.