ნამდვილო ღორონთიშე რენო სახიოლო ამბე?

1.მი რე ბიბლიაშ ავტორი?

ბიბლიას ჭარ სახიოლო ამბე, ნამ1და ხალხი დედამიწას მარადიულო იცხოვრენს (ფსალმუნი 37:29). ბიბლია 66 ჭიჭე წიგნიშე შითმოდირთუ. ღორონთიქ თინეფიშ მაჭარალო დაახლოებით 40 სანდო კოჩი გიმირინუ. ბიბლიაშ პირველი ხუთი წიგნი მოსექ დაახლოებით 3500 წანაშ წოხოლე ჭარუ, ბიბლიაშ ბოლო წიგნი მოციქული იოანექ — 1900 წანაშე მეტი ხანიშ წოხოლე. მიშ აზრეფს ჭარუნდეს ბიბლიაშ მაჭარალეფი? ღორონთი მუში წმინდა შურით ოჭარაფუანდ თინეფს წმინდა წერილეფს (2 სამუელი 23:2). თინეფი ღორონთიშ აზრეფს ჭარუნდეს დო ვართ ხოლო მუნეფიშ აზრეფს. თაშ ნამდა, ბიბლიაშ ავტორი იეჰოვა ღორონთი რე. წეკითხით 2 ტიმოთეშ 3:16; 2 პეტრეშ 1:20, 21.

ქუჯინით ვიდეოს „მი რე ბიბლიაშ ავტორი?“

2. მუ მარწმუნენა ნამდა, ბიბლია ღორონთიშ სიტყვა რე?

ბიბლია მომავალს ზუსტას დო დეტალურო წინასწარმეტყველენს, ათეშგურშენი თავისუფალო შემლებუნა ფთქუათ, ნამდა თინა ღორონთიშ სიტყვა რე (იესო ნავეს ძე 23:14) ადამიანეფშო თენა შეუძლებელი რე. ხვალე ართი, იფრელიშ შემალებე ღორონთის შეულებ ზუსტას იწინასწარმეტყველას ადამიანეფიშ მომავალი. წეკითხით ესაიაშ 42:9; 46:10.

მუშო ოკო რაგადი, წიგნი, ნამუშ ავტორი ღორონთი რე, განუმეორებელი ოკო რდას დო თენა მართალო თაში რე. ბიბლია ოშობით ნინაშა რე თარგმნილი დო თიშ მილიარდობით ეგზემპლარი რე გავრცელებული. მართალი რე, ბიბლია ჯვეშიშჯვეში წიგნი რე, მარა თინა სრულას ოთანხმ დამტკიცებული მეცნიერული ფაქტებს. ბიბლიას 40 კოჩი ჭარუნდ, მარა თინეფიშ ნაჭარა ართიანს ვაწინააღმდეგ.a ბიბლია ღორონთიშ დიდ ჸოროფას ამტკიცენს, თინა ადამიანეფს უჯგუშობაჸურე თირანს. თენა იფრელი, მილიონობით ადამიანს არწმუნენს, ნამდა ბიბლია ღორონთიშ სიტყვა რე. წეკითხით 1 თესალონიკელეფიშ 2:13.

ქუჯინით ვიდეოს „სოვრეშე მიჩქუნა, ნამდა ბიბლია ჭეშმარიტებას იჩიებუ?“

3. მუში შესახებ ჭარუ ბიბლიას?

ბიბლიაშ მთავარი თემა სახიოლო ამბე რე, ნამუთ ღორონთის აფუ ჩაფიქრებული ადამიანეფიშ საჯგირობუოთ. წმინდა წერილეფშე ბგებულენთ, მუჭო მიოდინეს ადამიანეფქ დიდ ხანიშ წოხოლე დედამიწას სამოთხე დო ღორონთი კინ მუჭო აღადგინენს თის. წეკითხით გამოცხადებაშ 21:4, 5.

ღორონთიშ სიტყვას რჩევეფი, კანონეფი დო პრინციპეფი რე მოჩამილი. ბიბლიაშე თის ხოლო ბგებულენთ, მუჭო ოქცუ ღორონთი ადამიანეფს; თავრეშე ვორწყეთ, მუნერი პიროვნება რე თინა. ათეშგურშენი, შემლებუნა დარწმუნებული ვორდათ, ნამდა ღორნთიშ გაჩინებაფალო ბიბლია მართალო ჯგირი საშუალება რე. თინა ემინწყუნა, მუ რე საჭირო ღორონთწკუმა მეგობრობაშო. წეკითხით ფსალმუნიშ 19:7, 11; იაკობიშ 2:23; 4:8.

4. მუჭო შეილებუნა ბიბლიაშ გაგება?

თე ბროშურას ბიბლიური აზრეფი ზუსტას თი მეთოდით რე ენწყუმილი, მუ მეთოდით იესო ეთმონწყუნდ. რაგადიშ დროს იესოს დიო ბიბლიურ მუხლეფი მოჸუნდ დო უკული ენწყუნდ წმინდა წერილეფიშ მნიშმნელობას. წეკითხით ლუკაშ 24:27, 45.

ამდღა ვაარსებენს თე სახიოლო ამბეშე უჯგუში ამბე. მარა ნამთინეს შურო ვაინტერეს თენა, ნამთინეს თეში გაგონება ხოლო ვაკო. მარა თქვა გურქ ვეიოლანი! მარადიული სიცოცხლე ღორონთიშ შესახებ ცოდნაშ მიღებაშა რე დამოკიდებული. წეკითხით იოანეშ 17:3.