Okhuma okathi wa Enooki, mpakha okathi wa aphuki

Okhuma yoowiiraneya yoopacerya ya mpantta ola, mpakha yoowiiraneya yookiserya, siiraneyale iyaakha soowiiraka 2.200 sivinre. Nimpacerya ni Enooki, muhavinre yoowo aakhanle Adamu ohinatthi okhwa, mpakha okathi wa profeta Samuweli, yoowo aakhalihiwe mwene oopacerya a wIsarayeli. Nave nnimwaasuwela atthu akina yaari oolipa murima ntoko Nowe, Abrahamu, Sara, Moise, Rahabi, Deebora ni Gideyoni. Nnooweha moota atthu akina a yaala yaaphavenle aya weetta arowaka mapuro makina oowoopiha, nave akina yaahiwana “ikhotto sa Yehova”. Ootheene aya yaahooniherya olipa murima okathi yanvarela aya muteko Muluku aya oophenta.