SETO QUESTO?

Come che i soldadi dela Guarda Pretoriana i se vestia?

NEL ANO 27, nel governo de Cesar Augusto, l’è stà creà un grupo de soldadi pròpio boni par proteger el imperador e la so fameia. Lori i era ciamadi de Guarda Pretoriana o la Guarda del Imperador.

Quando i soldadi i era in Roma, lori i se vestia come le altre persone. Lori i metea su robe che l’era fàcile de moverse, come una veste o un manto. Quando i soldadi i era drio proteger el imperador rento la cità de Roma, fursi lori i metea su una roba pi bela ciamada toga.

Le persone le podea veder chi che i era questi soldadi parché sempre i gavea le so arme. Una ensiclopèdiaa la ga dito: “Quando i soldadi i era in Roma, lori i se vestia come le altre persone, ma i portea le so arme.” Pol esser che queste arme le sìpia stà una spada e un cortel. Lori i gavea due sinti, e i metea la spada e el cortel cada un nte un sinto e de una banda.

Par due ani, Paolo l’è stà in preson nte una casa alugada a Roma par spetar el so giulgamento. Noantri credemo che, in quela època, soldadi dela Guarda Pretoriana i ze restadi insieme de Paolo. Come Paolo el podea ricever vìsite, lu el predichea a quei che i vegnea catarlo. Lu el doperea le Scriture par spiegarghe che Gesù l’era el Messia e che sol el Regno de Dio el pol finir fora col sofrimento. — Ati 28:16, 23, 30, 31.

Paolo el ga dito: ‘Tuti dela Guarda Pretoriana i ga savesto che son in preson par causa de Cristo.’ (Fil. 1:12, 13) Quel che Paolo el ga dito l’è tanto interessante parché ghen’era miliari de soldadi nela Guarda Pretoriana. Geovà el ga dato oportunità a Paolo de predicar intanto che l’era in preson, e lu el ga doperà ben questa oportunità par predicar a tante persone.