Muegbe rẹ Ẹkpahọnphiyọ re Cha Vwẹ Ọbọngan kẹ Ihwo

Vwẹ emẹvwa rẹ avwanre, e vwo uphẹn ra vwọ bọn iniọvo avwanre gan womarẹ ẹkpahọnphiyọ rẹ avwanre. (Hib. 10:24, 25) Mavọ yen avwanre se vwo muegbe rẹ ẹkpahọnphiyọ rọ cha ghene bọn ihwo efa gan?

• Nẹrhovwo rhe Jihova. Rẹ nẹ ọ vwẹ ukẹcha kẹ wẹ rere ẹkpahọnphiyọ wẹn se vwo brọghọ phiyọ oma je bọn ihwo efa gan.​—Une 35:18.

• Davwẹngba vwo ru vrẹ wo di vwo se obo rehẹ evunrẹ ọbe na. Wo de dje esegbuyota wẹn phia womarẹ wọ vwọ vwẹ eta romobọ wẹn vwọ kpahenphiyọ enọ, o che fierere kẹ ihwo ri nyo we.

• Jẹ ẹkpahọnphiyọ wẹn dia kprẹn. Ọke buebun, ẹkpahọnphiyọ ri kprẹn rọ je pha lọlọhọ yen ma bọn ihwo gan, ọ je vwẹ uphẹn kẹ ihwo buebun vwọ kpahenphiyọ enọ vwẹ uyono.​—Isẹ 10:19.

• Jẹ ẹkpahọnphiyọ wẹn dia ọ rẹ abavo. Kẹnoma kẹ uruemu ra vwo ihwo vwo guẹdjọ yẹrẹ ra vwọ reyọ ọkpọvi vwọ kẹ ayen siẹrẹ a da kpahanphiyọ enọ.

Ọ da tobọ dianẹ wọ rionbọ jẹ e se wee, wọ je sa bọn ihwo efa gan. Nabọ kerhọ, wọ je kpẹvwẹ ayen vwọ kẹ ẹkpahọnphiyọ rayen.​—Isẹ 10:21.