Obo Ra Sa Vwọ Vwẹ Omamọ rẹ Ẹkpahọnphiyọ Vwọphia

Omamọ rẹ ẹkpahọnphiyọ bọn ukoko na gan. (Rom 14:19) Ihwo re reyọ ayen phia je mrẹ erere nẹ ayen cha. (Isẹ 15:​23, 28) Ọtiọyena, avwanre davwẹngba vwọ kpahenphiyọ onọ ọvo ọ da hanvwe mamọ siẹrẹ e de kpo uyono. Vwọrẹ uyota, ọ dia ọkieje avwanre vwọ riẹn obọ yen e vwo se avwanre-e. Ọtiọyena, ko fori nẹ avwanre muegbe rẹ ẹkpahọnphiyọ buebun.

Omamọ rẹ ẹkpahọnphiyọ . . .

• pha lọlọhọ, pha phephẹn, ọ je krẹn. Ọke buebun, o de gron mamọ, aroẹbrẹ 30

• eta rẹ obọ wẹn yen wọ vwọ ta

• dia ẹrhomavwariẹn rẹ oborẹ ohwo ọfa ta nurhe-e

Ọ da dia owẹ yen e che se . . .

• reyọ ẹkpahọnphiyọ rẹ phiọgun rọ je lọhọ vwọphia

A da kpahenphiyọ onọ na nure, wo se . . .

• dje oborẹ ẹkpo rẹ Baibol ra rionbọ ra churobọ si ẹkpahọnphiyọ na

• djunute oborẹ ẹkpo na djobọte akpeyeren rẹ avwanre

• dje obo ra sa vwọ reyọ ẹkpo na vwọ wian

• gbe obo re rhiẹromrẹ krẹn rọ kanrunumu ẹkpo na