Vuẹ Ihwo Efa Kpahen Obo wo Yonori

Eyono ri Baibol na nẹrhẹ oma vwerhen avwanre, jẹ a da vuẹ ihwo efa kpahen efe eghanghanre ra mrẹ norhe yen oma da ma vwerhen ohwo phiyọ. Isẹ 11:25 tare nẹ: “Ohwo ro kuẹ ame kuẹ emu ra kọnre eriyin e ji ku ame kuo.”

A da vuẹ ihwo efa kpahen oborẹ avwanre yonori, kọ lọhọ a sa vwọ karophiyọ ẹkpo sansan ji vwo ẹruọ phiyọ. Kidie nẹ i se fierere kẹ ihwo efa, oma kọ vwerhen avwanre a vwọ vuẹ ayen kpahen erọnvwọn eghanghanre rẹ avwanre yonori.—Iruo 20:35.

Davwen ona nana: Vwẹ udughwrẹn rọ cha na, gbẹn idjerhe wọ vwọ vuẹ ohwo ọfa kpahen obo wo yonori. Wọ sa vuẹ ohwo rẹ orua, oniọvo rọhẹ ukoko wẹn, ohwo wọ vẹ ọyen gbe ruiruo, ọmọ isikuru, ọrivẹ yẹrẹ ohwo ọfa ru wọ mrẹ vwẹ aghwoghwo. Reyọ eta romobọ wẹn re pha phephẹn lọlọhọ vwọ ta ota kẹ.

Karophiyọ: Reyọ obo wo yonori vwọ bọn ihwo efa gan, ọ dia wo vwo dje kẹ ayen nẹ wẹwẹ ma riẹẹn.—1 Kọr. 8:1.