Obo Re Se Vwo Ru Uyono

Ru Ehiahiẹ Kpahen Iruemu Eghanghanre ri Jihova

Siẹrẹ avwanre de se Baibol na, a sa reyọ ena rẹ uyono vwo ru ehiahiẹ e se vwo vwo ẹruọ rẹ obo re se. Jẹ, ọ dia e di yono rere erianriẹn ri Baibol re vwori vwo kpo obaro phiyọ-ọ. Avwanre guọnọ hiẹ kpahen iruemu eghanghanre ri rhe Jihova re sa nẹrhẹ ẹguọnọ re vwo kpahọn ganphiyọ. E se vwo ru ọtiọyen, a sa nọ oma avwanre nẹ, ‘Die yen ikuegbe nana yono uvwe kpahen Jihova?’

Avwanre sa hiẹ guọnọ obo ri dje iruemu rẹ ẹguọnọ, aghwanre, orhiẹn-abavo, kugbe ẹgba ri Jihova phia. Ẹkẹvuọvo, ọ dia iruemu nana ọvo yen rhe Jihova-a. O ji vwo iruemu iyoyovwin efa ru wo se ru ehiahiẹ kpahen. Tivọ yen wọ da sa mrẹ evuẹ efa re ta ota kpahen iruemu rọyen?

Ọtiọyena, nẹ iruemu ri Jihova efa re vrẹ 50 vwẹ Watch Tower Publications Index. Ni uyovwinrota otete na “Qualities by Name” vwẹ obotọ rẹ uyovwinrota na “Jehovah.” Gbe ru ehiahiẹ kpahen ọ rọ vẹ ikuegbe ri Baibol ru wo se na gbe shephiyọ. (Ọ da dianẹ Research Guide for Jehovah’s Witnesses na rhe we, gbe ni uyovwinrota na “Jehovah God” ji te uyovwinrota otete rọhẹ obotọ na “Jehovah’s Qualities.”)