A Vwọ Nabọ Muomaphiyọ Eyono Nẹrhẹ e Vwo Oniso

Se Daniẹl 9:1-19 wọ mrẹ obo rọ ghanre te e vwo muomaphiyọ eyono.

Nabọ fuẹrẹn ikuegbe na. Die yen phiare o krinọọ na, kẹ die yen ọnana ru vwẹ oma ri Daniẹl? (Da 5:29–​6:5) Mavọ yen oma rhe ru we, ọ da dianẹ owẹ yehẹ ẹdia ri Daniẹl?

Hiẹ kodo. “Ẹbe” vọ yen Daniẹl seri je nabọ fuẹrẹn? (Da 9:2, w11 1/1 22 ¶2) Diesorọ Daniẹl vwọ fan imwemwu rọyen kugbe e rẹ ẹgborho rẹ Izrẹl? (Li 26:39-42; 1Iv 8:46-50; dp 182-184) Idjerhe vọ yen ẹrhovwo ri Daniẹl vwo djephia nẹ ọyen ohwo rọ nabọ yono Ota rẹ Ọghẹnẹ?​—Da 9:11-13.

Roro kpahen obo ru wo yonori. Nọ oma wẹn:

• ‘Mavọ yen me sa vwọ kẹnoma kẹ obo re phia vwẹ akpọ na ri vwo jẹ uvwe e muo rọ?’ (Mai 7:7)

• ‘Kerẹ Daniẹl, erere vọ yen me cha mrẹ siẹrẹ mi de muomaphiyọ eyono rẹ Ota rẹ Ọghẹnẹ?’ (w04 8/1 12 ¶17)

• ‘Iyovwinrota vọ yen mi se vwo ru uyono romobọ, re sa vwẹ ukẹcha kẹ vwẹ vwọ “rhẹrẹ”?’ (Mt 24:42, 44; w12 8/15 5 ¶7-8)