AKPEYEREN RẸ INENIKRISTI
Isuigegede re Wian Vwọ kẹ Erhuvwu rẹ Ihwo ri Jihova
Ihwo buebun rhọnvwa vwẹroso ihwo ra vwẹ ogangan kẹ-ẹ. Avwanre se vwo ẹruọ rẹ oboresorọ. Ihwo buebun vwẹ ogangan rayen vwo ruiruo vwẹ idjerhe ọchọre. (Mai 7:3) Ọ vwerhoma nẹ e yono ekpako re vwo mu vwẹ ukoko na, oborẹ ayen sa vwọ vwẹ ogangan rayen vwọ wian kẹ erhuvwu rẹ ihwo ri Jihova.—Ẹs 10:3; Mt 20:25, 26.
Vwọ fẹnẹ ihwo ra vwẹ ogangan kẹ vwevunrẹ akpọ na, ekpako ruiruo rayen fikirẹ ẹguọnọ rẹ ayen vwo kpahen Jihova kugbe ihwo rọyen. (Jọ 21:16; 1Pi 5:1-3) Vwo nene odjekẹ ri Jesu, isuigegede nana chọn ighwoghwota ọvuọvo uko vwo siẹkẹrẹ Jihova je mrẹvughe nẹ ayen ọvo usun rẹ orua ri Jihova. Ayen vwẹ uchebro kẹ igodẹ ri Jihova ji brokpakpa vwẹ ukẹcha phia siẹrẹ use rẹ omaesivwon rẹ okpakpa de she yẹrẹ ọke rẹ oghwọrọ ri kpregede da vwomaphia. Wọ da guọnọ ukẹcha, wo jẹ oshọ mu we wọ vwọ vuẹ ọkpako ọvo vwẹ ukoko wẹn kpahọ-ọn.—Jem 5:14.
NI IVIDIO NA ISUIGODẸ RE VWẸROTE IGODẸ NA, RERE WỌ KPAHENPHIYỌ ENỌ NANA:
Idjerhe vọ yen Mariana vwọ mrẹ erere nẹ ukẹcha rẹ ekpako na vwọphia?
Idjerhe vọ yen Elias vwọ mrẹ erere nẹ ukẹcha rẹ ekpako na vwọphia?
Wo vwo ni ividio na nure na, ẹro vọ yen wo vwo nẹ owian rẹ ekpako na ruẹ?