EFE RỌHẸ OTA RẸ ỌGHẸNẸ | JẸNẸSIS 29-30
Jekọp Rọvwọnre
Jekọp nama riẹn egbabọse ro che rhiẹromrẹ vwẹ obaro fikirẹ orọnvwe-e. Ọke ọvo vwo te, Rachel vẹ Leah ke vwọso ohwohwo. (Jẹn. 29:32; 30:1, 8) Dede nẹ Jekọp rhiẹromrẹ egbabọse, o niroso nẹ Jihova vẹ ọyen herọ. (Jẹn. 30:29, 30, 43) Ukuotọ rọyen, emọ rọyen da rhe dia ẹgborho rẹ Izrẹl.—Rutu 4:11.
Nonẹna, ihwo ri brorhiẹn nẹ ayen cha rọvwọn che rhiẹromrẹ egbabọse sansan. (1 Kọr. 7:28) Ẹkẹvuọvo, ayen se phi egbabọse na kparobọ ji vwo omavwerhovwẹn vwevunrẹ orọnvwe na siẹrẹ ayen da vwẹroso Jihova je vwẹ odjekẹ ri Baibol na vwo ruiruo.—Isẹ 3:5, 6; Ẹfe. 5:33.