Ru Ona Rẹ Aghwoghwo Wẹn Yovwin Phiyọ—Chọn ‘Ihwo ri Vwo Ẹwẹn Esiri’ Uko Vwọ Dia Idibo

OBORESORỌ Ọ VWỌ GHANRE: Jihova yen nẹrhẹ ubi rẹ uyota na djẹ vwẹ ubiudu rẹ ihwo “re ve arhọ ri bẹdẹ na kẹ.” (Iruo 13:48; 1 Kọr. 3:7) Avwanre vẹ ọyen wian kuẹgbe siẹrẹ a da tẹnrovi ihwo ri dje omavwerhovwẹn phia kpahen oborẹ ayen yono. (1 Kọr. 9:26) Ofori ihwo rẹ avwanre vwẹ Baibol yono vwọ riẹn nẹ omaebrophiyame rẹ Onenikristi ghanre mamọ vwọ kẹ usivwin. (1 Pita 3:21) Avwanre chọn ayen uko vwọ dia idibo siẹrẹ e de yono ayen nẹ ayen ru ewene vwẹ akpeyeren rayen, ghwoghwo ji yono ihwo efa, kugbe nẹ ayen vwomakpahotọ kẹ Jihova.—Mat. 28:19, 20.

OBO RE CHE RUO WAN:

• Jẹ ohwo rẹ wo yono na riẹn nẹ oboresorọ wo vwo yono, ọyen rọ vwọ ‘riẹn’ Jihova ji ru obo re vwerhọn oma.—Jọn 17:3

• Chọn ayen uko vwo ru oyerinkugbe rayen vẹ ọ rẹ Jihova ganphiyọ womarẹ ayen kẹnoma kẹ iruemu re chọre vẹ orharhe rẹ ọyankugbe

• Kpuriẹn, wo ji phiuduphiyọ ayen awọ tavwen ayen ki bromaphiyame vẹ ọke rẹ ayen de bromaphiyame nu.—Iruo 14:22

NI IVIDIO NA JIHOVA CHA CHỌN WẸ UKO, RERE WỌ KPAHENPHIYỌ ENỌ NANA:

• Die yen sa nẹrhẹ ohwo siomauko vwọ kẹ omaẹvwọkpahotọ vẹ omaebrophiyame?

• Mavọ yen ekpako sa vwọ vwẹ ukẹcha kẹ ohwo ra vwẹ Baibol yono vwọ yan obaro?

• Die yen Aizaya 41:10 yono avwanre kpahen Jihova?

• Uruemu vọ yen cha chọn avwanre uko vwọ ga Jihova vwẹ idjerhe ro rhiabọreyọ, dede nẹ avwanre gbare-e?