Die yen wo ruẹ enẹna rere wo se vwo muwan vwọ kẹ omaebrophiyame?
AKPEYEREN RẸ INENIKRISTI
Brorhiẹn Wọ Vwọ Ga Jihova
Wọ da dia eghene rọhẹ ukoko na yẹrẹ ohwo ra vwẹ Baibol vwo yono, wo vwo ẹwẹn wo vwo bromaphiyame? Diesorọ wọ vwọ guọnọ bromaphiyame? Ohwo da guọnọ vwo omamọ oyerinkugbe vẹ Jihova, ofori nẹ ọ vwomakpahotọ ji bromaphiyame. (Une 91:1) Enana cha nẹrhẹ o vwo usivwin. (1 Pita 3:21) Mavọ yen wo se vwo yerin te ẹdia nana?
Jẹ o muwẹro nẹ ọnana yen uyota na. Enọ da djẹ ro owẹ ẹwẹn, wọ me ru ehiahiẹ. (Rom 12:2) Vwo oniso rẹ ewene evo ro fori nẹ wo ru rere wo ruo fikirẹ ọdavwẹ wo vwo ru obo re cha nẹrhẹ oma vwerhen Jihova. (Isẹ 27:11; Ẹfe. 4:23, 24) Nẹrhovwo rhe ọkieje vwọ kẹ ukẹcha. Vwo imuẹro nẹ Jihova cha vwẹ ukẹcha vwọ kẹ wẹ womarẹ ẹwẹn ọfuanfon rọyen. (1 Pita 5:10, 11) Egbaẹdavwọn wẹn che fierere kẹ wẹ. A vwọ ga Jihova yen obo ro me yovwin vwẹ akpeyeren wẹn!—Une 16:11.
NI IVIDIO NA OBO RE SE VWO MUWAN KẸ OMAEBROPHIYAME, RERE WỌ KPAHENPHIYỌ ENỌ NANA:
Die yen ebẹnbẹn evo re ihwo evo phikparobọ rere ayen se vwo bromaphiyame?
Mavọ wo se vwo ru esegbuyota wẹn gan rere wọ sa vwọ vwomakpahotọ vwọ kẹ Jihova?
Die yen mu ihwo evo vwo ru ewene rere ayen se vwo bromaphiyame?
Ebruphiyọ vọ yen ihwo re brorhiẹn ayen vwọ ga Jihova cha mrẹ?
Die yen omaẹvwọkpahotọ vẹ omaebrophiyame mudiaphiyọ?