Ọrhuẹrẹphiyotọ Kpokpọ ra Vwọ Ton Aghwoghwo Phiyọ

Vwo nẹ March 2016 rhe yen obuko rẹ Uwevwin Orhẹrẹ re phiẹ phiyọ ada na vwo vwo uyovwinrota na “Die Yen Baibol na Tare?” E ru ọrhuẹrẹphiyotọ nana rọ vwọ chọn avwanre uko vwọ ton aghwoghwo phiyọ vẹ iyovwinreta sansan ri nẹ Baibol na rhe. Ona re vwo ruo pha kerẹ ọ rẹ itrati rẹ avwanre. O vwo onọ ra vwọ riẹn obo re hẹ ẹwẹn rẹ ohwo, ẹkpahọnphiyọ ro nẹ Baibol rhe vẹ ẹkpo efa avwanre vẹ ohwo na sa fuẹrẹn kugbe.

Aghwoghwo rọ vwerhen oma suẹn kpo uyono rẹ Baibol. Reyọ ọrhuẹrẹphiyotọ kpokpọ na vwọ chọn ihwo buebun rẹ urhurusivwe rẹ Ota rẹ Ọghẹnẹ siẹ uko vwo vwo erianriẹn rẹ Ota rẹ Ọghẹnẹ.—Mat. 5:6.

OBORẸ A CHA REYỌ VWỌ RUIRUO WAN:

1. Nọ ohwo ro vwo uwevwin na, oborẹ o roro kpahen ọvo vwẹ usun rẹ enọ na

2. Kerhọ wọ je kpẹvwẹ vwọ kẹ ẹkpahọnphiyọ rọyen na

3. Se ẹkpo rẹ Baibol rọhẹ obotọ rẹ uyovwinrota na “Oborẹ Baibol na Tare,” rere wọ nọ ohwo na oborẹ o roro kpahọn. Ọke da herọ, reyọ ẹkpo rọhẹ obotọ rẹ uyovwinrota na “Die Ọfa Yen Baibol na se Yono Avwanre?” vwọ ta ota na kpobaro phiyọ

4. Reyọ imagazini na vwọ kẹ ohwo na

5. Ru ọrhuẹrẹphiyotọ wo vwo rhivwin ra kpahenphiyọ onọ rivẹ