Ọbe rẹ Ọghẹnẹ—Efe

1. O vw’ọbe’ọvo r’Ọghẹnẹ vwọ k’avwanre;

Rọ k’ohw’ufuoma v’iphiẹrophiyọ.

Eta rọyen ejobi vọnre v’ẹgba;

Ọ vw’arhọ k’ihwo ji rhiẹro rayen.

Ọbe r’ọghanghanre na ye se Baibol.

Ọghẹnẹ yen san’ihwo ri siro,

Ihwo nana vw’ẹguọnọ ri Jihova,

Ẹw’ọfuanfon rọyen mu’ayen vwo sio.

2. Ayen ji si kpah’emama r’Ọghẹnẹ;

Obo rọ vwọ m’akpọ na v’odjuvwu.

Obo rọ vwọ m’ihwo rẹsosuọ gbagba,

V’obo r’iparadaisi v’ay’abọ.

Ayen je tota kpah’amakash’ọvo

Rọ vwọsu’Ọghẹnẹ kugb’usuon rọyen.

Ọ da rhe ghw’ukpokpogho rh’ihworakpọ.

Jihov’Ọghẹnẹ che siono bẹdẹ.

3. Ọke nana, ọke r’omavwerhovwẹn.

Jihova vwi Jesu vwo mu’Ovie re.

Gbe j’avwanre ghwoghw’Uvie rọyen k’ihwo

V’ebruphiyọ r’Uvie na cha ghwa rhe.

Ọbe nana vọnre v’erọnvwọn buebun;

E ja davwẹngba vwọ nabọ fuẹrẹn.

Ọ cha vw’obọdẹn r’ufuoma k’avwanre.

E gbe j’avwanr’eje s’ọbe nana.