Ota rẹ Ọghẹnẹ Yen kẹ Ohwo Arhọ

1. E j’avwanre se Baibol na,

Ọ vw’arhọ vwọ k’ohwo.

E je nen’odjekẹ rọyen

E ghanre vr’emuọre.

Ọ cha vw’ufuoma k’avwanre

Kugb’arhọ ri bẹdẹ.

2. Baibol na vọnre v’ikuegbe

R’idibo r’Ọghẹnẹ.

Eya v’eshare ri fuevun,

Re vwẹrosu’Ọghẹnẹ.

E gbe je s’ikuegbe rayen,

E cha b’avwanre gan.

3. Gbe j’avwanre se Baibol na,

Ọ vọnre v’aghwanre.

Ọ cha vw’ukẹcha k’avwanre

Vw’ọke r’edavwini.

Ja yọnr’irhi ri Baibol na,

Ke che vw’ebruphiyọ.