Ọbe rẹ Ọghẹnẹ—Efe

1. O vw’ọbe’ọvo rọ vọnre v’eta buebun;

Rọ ghw’aghọghọ v’ufuoma rh’ihwo’eje.

Eta rọyen ejobi vọnre v’ẹgba;

Ọ vw’arhọ k’ihwo ji rhiẹro rayen.

Ọbe r’ọghanghanre na y’e se Baibol.

Ọghẹnẹ yen mu’ihwo vwo si’eta na,

Ihwo nana vw’ẹguọnọ ri Jihova,

Ẹwẹ’ọfuanfon rọyen mu’ayen vwo sio.

2. Ayen ji si kpah’emama r’Ọghẹnẹ;

Obo rọ vwọ m’akpọ na v’odjuvwu.

Obo rọ vwọ m’ihwo rẹsosuọ gbagba,

V’obo r’iparadaisi v’aye’abọ.

Ayen je tota kpah’amakash’ọvo

Rọ vwọsu’Ọghẹnẹ kugb’usuon rọyen.

Ọ da rhe ghw’ukpokpogho rh’ihworakpọ.

Jihov’Ọghẹnẹ che siono bẹdẹ.

3. Ọke nana, ọke r’omavwerhovwẹn.

Uvie r’Ọghẹnẹ suẹn vw’odjuvwu re.

Ọnan’ọke Jihova che vwo sivwin

Ihwo re nabọ ru’ọhọre rọyen.

Ọbe nana vọnre v’iyẹnr’esiri;

Emu r’ẹwẹn r’avwanr’eje cha re.

Ọ rey’obọdẹn r’ufuoma k’avwanre.

E j’avwanr’ejobi s’ọbe nana.