Jurhi Ẹyọnrọn ri Buẹnphiyọ Vwẹ Akpọ na Eje​—⁠⁠Die Yen Baibol na Tare?

Ẹko rẹ inogbozighi re so oghwọrọ vọn ẹkuotọ ri Haiti. Jurhi ẹyọnrọn so oja vwọ kẹ ihwo vwẹ South Africa vẹ Mexico, ọtiọyen ji te ihwo ri Latin America efa. Dede nẹ ozighi egbe ghwa gan vwẹ ẹkuotọ evoo, jẹ ẹwẹn rayen ji te otọọ, ayen rọ ẹnwan fikirẹ iyẹnrẹn rẹ urhi ẹchọ rẹ ayen nyo kerẹ uji echo vẹ efa.

Die yen Baibol na ta kpahen jurhi ẹyọnrọn re vọn asan eje na?

Oborẹ Baibol na ta kpahen jurhi ẹyọnrọn

Baibol na mraro rọyen phiyotọ nẹ jurhi ẹyọnrọn ọyen ọvo usun rẹ eka rẹ “okuphiyọ rẹ eyeren na.” (Matiu 24:3) Vwọ kpahen oka yena, Jésù da ta:

• “Fikirẹ jurhi ẹyọnrọn ro buẹnphiyọ, ẹguọnọ rẹ ihwo buebun ko che djiro.”​—⁠Matiu 24:12.

Baibol na je mraro rọyen phiyotọ nẹ “vwẹ ẹdẹ re koba na” ihwo “che se sun oma raye-en, cha djoma, che vwo ẹguọnọ rẹ emu esiri-i.” (2 Timoti 3:​1-5) Uruemu urhurhu nana toroba jurhi ẹyọnrọn re phia nonẹna.

Ẹkẹvuọvo iphiẹrophiyọ herọ. Baibol na tare nẹ o rhe che krii, jurhi ẹyọnrọn che no.

• “Ọmọke krẹ, oruimwemwu gbe cha dia-a; wọ da tọn ẹro vi otọ ni ẹdia rọye a gbe cha mrẹ-ẹ. Ẹkẹvuọvo ihwo dẹndẹn ri che vwo otọ na, vwẹ evun rẹ oyovwe rode kọye ayen da gọlọ.”​—⁠Une rẹ Ejiro 37:​10, 11.

Yono erọnvwọn efa kpahen ovuẹ rẹ iphiẹrophiyọ rọhẹ Baibol na vẹ oboresorọ o se vwo muwẹro nẹ obo re phia nonẹna ghwa orugba rẹ aroẹmrẹ ri Baibol na. Fuẹrẹn iyovwinreta sansan nana.

“A Real Hope for a Better Tomorrow”

“Die Yen Oka rẹ ‘Ẹdẹ re Koba na,’ Yẹrẹ ‘Ọke rẹ Oba Na’?”

“Baibol Mraro Oborẹ Ihwo Roro Emu Wan vẹ Oborẹ Ayen Ruẹ Nonẹna?”