Uweren Ọgangan​—Oborẹ Uvie rẹ Ọghẹnẹ Che Ru

Ihwo buebun vwẹ akpọ na wian gangan ayen vwọ mrẹ oborẹ ayen cha re​—ẹkẹvuọvo ẹdia na rhoma ganphiyọ.

• Iyẹnrẹn ọvo ra vwọphia vwẹ akpọneje o krinọ-ọ na tare nẹ “osa ra hwa vwọ kẹ ihwo buebun gbi te ayen vwọ dẹ oborẹ ayen guọnọre-e.”a Iyẹnrẹn na ji vwẹ orhọesio phia nẹ e rhe ru emu vuọvo kpahen obo re phia na-a, “omaẹfẹnẹ cha rhe ganphiyọ, akpọ me je gan kẹ erua buebun vrẹ obo ri jovwo.”

Igọmẹti se siẹ ebẹnbẹn rẹ uweren ọgangan na no, yẹrẹ tobọ ruo yovwin?

Baibol na ta ota kpahen igọmẹti ro che si ebẹnbẹn rẹ uweren ọgangan vẹ omaẹfẹnẹ no. Ọ tare nẹ “Ọghẹnẹ rẹ odjuvwu na cha vwẹ uvie ọvo mu,” rọ dia igọmẹti ro che sun je rhuẹrẹ ebẹnbẹn rẹ akpọneje phiyọ. (Daniẹl 2:44) Vwẹ otọ rẹ usuon yena, a cha kpairoro vrẹ ohwo vuọvo-o. (Une rẹ Ejiro 9:18) Ihwo rehẹ otọ rẹ usuon rẹ Ọghẹnẹ che vwo kemu kemu rẹ ayen guọnọre, rere ayen se vwo vwo omavwerhovwẹn je riavwerhen rẹ owian obo rayen rẹ ayen wianre.​—Aizaya 65:​21, 22.