Uruemu rẹ Omaẹfẹnẹ se Ghini nẹ Akpọ Na?​—⁠Die Yen Baibol na ta Kpahọn?

Vwọ kẹ ihwo buebun, uruemu rẹ omaẹfẹnẹ che se nẹ akpọ na-a.

• “Vwẹ akpọneje yen uruemu rẹ omaẹfẹnẹ de phi ohra phiyọ ikoko, miovwon oyerinkugbe rọhẹ uvwre rẹ ihwo kugbe akpeyeren rẹ ihwo kẹdẹ kẹdẹ. Ọ je nẹrhẹ ihwo dje uruemu rẹ oshenyẹ phia ọkieje.”​—António Guterres, UN Secretary-General.

Omaẹfẹnẹ sa ghene kanre akpọ na? Die yen Baibol na tare?

Ẹro rẹ Ọghẹnẹ vwo nẹ ihwo rehẹ akpọneje

Baibol na yono avwanre ẹro rẹ Ọghẹnẹ vwo nẹ ihwo rẹ ohọroma rayen fẹnẹ ohwohwo.

• “[Ọghẹnẹ] da ma ihwo phihọ ẹgborho ọvuọvo [“vwo nẹ oma rẹ ohwo ọvo rhe,” NW ] nẹ e dia enu rẹ akpọ na.”​—Iruo rẹ Iyinkọn Na 17:26.

• “Ọghẹnẹ ghwẹ oma hẹ abọvo jẹ ọvo vwo-o; ẹkẹvuọvo vwẹ ẹgborho kẹgborho ohwo rọ djẹ oshọ rọye ro de ru obo ri shehọ ọye ọ reyọ.”​—Iruo rẹ Iyinkọn Na 10:​34, 35.

Baibol na djerephia nẹ ihworakpọ eje orua ọvo, nẹ Ọghẹnẹ rhiabọreyọ ihwo rehẹ ẹgborho rẹ akpọneje.

Oborẹ ihworakpọ na eje che vwo yerin kugbe ababọ rẹ omaẹfẹnẹ

Ihworakpọ na eje che yerin kugbe vwẹ otọ rẹ Uvie rẹ Ọghẹnẹ rọ dia usuon rẹ Ọghẹnẹ rọhẹ odjuvwu. Uvie yena che yono ihwo oborẹ ayen se vwo nene ihwo efa yerin vwẹ idjerhe ro shephiyọ. Ihworakpọ che yono oborẹ ayen che vwo phi ẹwẹn rẹ omaẹfẹnẹ rẹ ayen se vwo eje kparobọ.

• “Ihwo rẹ akpọ na ki yono ọvwata.”​—Aizaya 26:9.

• “Erere rẹ ọvwata kọ dia ufuoma, otọ rẹ ọvwata, kẹ ofuvwegbe kugbe ẹro ẹvwọsuọ bẹdẹ.”​—Aizaya 32:17.

Nonẹna, Baibol na yono iduduru rẹ ihwo vwọ riẹn oborẹ ayen se vwo muọghọ kẹ ihwo efa ji brọghọ phiyọ ayen oma.

• Wo se vwo yono erọnvwọn efa, se Awake! ro vwo uyovwinrota na, “Is There a Cure for Prejudice?”

• Se uyovwinrota na “Talking to Children About Racism,” wo se vwo yono oborẹ emiọvwọn sa vwọ vwẹ uyovwinrota nana vwo ru uyono vwẹ evunrẹ uwevwin.