Manaen—Vwẹ Ẹga ri Jihova Vwọ ka Obaro

Manaen ọyen ọvo usun rẹ iniọvo eshare re ka obaro vwẹ ukoko rẹ Antiọk vwẹ ẹgbukpe ujorin rẹsosuọ. Ọ vẹ ‘Hẹrọd rọ dia osun rẹ ubrakpọ na yen gbe yono ẹbe kugbe.’ (Iruo 13:1) Ọtiọyena, Manaen ọyen ohwo rọ nabọ yono ẹbe sheri, ọ je sa dianẹ orua ro feri yen a da yọnrọn ghwanre.

Dede nẹ oka rẹ orua tiọyen yen o nurhe, ọ da rhe dia Onenikristi je wian gangan vwo bicha ukoko na. Ọ reyọ ẹdia rọyen kerẹ ohwo ro yono ẹbe yẹrẹ ro ji vughe ihwo ride rehẹ usuon vwọ guọnọ erhuvwu romobọọ. Ukperẹ ọtiọyen, ọ wianre gangan vwọ vwẹ ukẹcha kẹ iniọvo na.

Udje ri Manaen djerephia nẹ ẹga ri Jihova ghanre vrẹ otitivwe. Kerẹ Manaen, ofori avwanre reyọ ẹga ri Jihova vwọ ka obaro ukperẹ ekuakua rẹ akpeyeren. (Mat. 6:33) Vwọba, ọ da tobọ dianẹ avwanre nẹ ẹbe eyono ghanghanre, o ji fo e vwo vwo “imuẹro rẹ erọnvwọn re ma ghanre” rere ekuakua rẹ akpeyeren vwo jẹ e gbowọphiyọ ẹga rẹ avwanre vwọ kẹ Jihova.—Fil. 1:9, 10.