Mrẹ Erere Vwo nẹ Ẹkpo ri Baibol Efa ra Rionbọra

Ẹkpo ri Baibol efa ra rionbọra vwẹ Efanfan rẹ Akpọ Kpokpọ rẹ Isiesi Ọfuanfon Na dje oborẹ ẹkpo rehẹ Baibol na eje rhọnvwephiyọ ohwohwo womarẹ ọ vwọ nẹrhẹ wọ riẹn evuẹ efa. Ibiẹbe itete kerẹ a, b, c, d … rehẹ enu rẹ ota ọvo yen e vwo vughe ẹkpo ri Baibol efa ra rionbọra. Vwẹ Baibol ra teyenphiyọ ọbe, reyọ ibiẹbe rehẹ uherevie yẹrẹ akọkọ na vwọ guọnọ ẹkpo ri Baibol ri churobọ sio. Vwẹ jw.org yẹrẹ aplikeshọni ri JW Library® na, djobọte ubiọbe rọhẹ enu rẹ ota na wọ sa vwọ mrẹ ẹkpo ri Baibol efa ra rionbọra.

Ẹkpo ri Baibol efa ra rionbọra se mu we kpo erọnvwọn rehẹ obotọ na vẹ efa:

Ẹkpo ri Baibol efa re ta ota vuọvo na: Ẹkpo ri Baibol efa ra rionbọra mu we kpo ẹdia ri Baibol ọfa rọ fẹnẹre ra da je ta ota kpahen ota vuọvo na. Kerẹ udje, ni 2 Samuẹl 24:1 kugbe 1 Ikun Rivie 21:1.

Eta re mu nẹ ẹkpo ri Baibol ọfa rhe: Ẹkpo ri Baibol efa ra rionbọra nẹrhẹ a riẹn asan rẹ ota yẹrẹ irhiẹ rẹ eta nurhe. Kerẹ udje, ni Matiu 4:4 kugbe Urhi Rivẹ 8:3.

Aroẹmrẹ ro rugba: Ẹkpo ra rionbọra mu ohwo kpo aroẹmrẹ vẹ obo ro rugba wan. Kerẹ udje, ni Matiu 21:5 kugbe Zekaraya 9:9.