Obo ra sa Vwọ Karophiyọ Ẹkpo ri Baibol Sansan

Wọ mrẹ bẹnbẹn wọ vwọ karophiyọ ẹkpo ọvo vwevunrẹ ri Baibol na ro je we? Ọ sa dia o ro phiuduphiyọ owẹ awọ, cha wẹ uko vwo yerin ghene orharhe iroro, yẹrẹ ru wọ guọnọ ta ota kpahen vwọ kẹ ohwo ọfa. (Une 119:11, 111) Ena yen iroroẹjẹ evo re sa vwẹ ukẹcha kẹ wẹ vwọ karophiyọ ẹkpo evo vwevunrẹ Baibol na.

• Reyọ aplikeshọni rẹ JW Library^® vwọ jokaphiyọ obo wọ guọnọre. Jokaphiyọ phiyọ asan re se “Ẹkpo ri Baibol Sansan ri Me Je Vwe,” ru wọ guonọ karophiyọ vwẹ ẹbẹre nana

• Vwẹ ẹkpo ri Baibol na tanmu asan rẹ wọ da mrẹ. Si ẹkpo ri Baibol ru wọ guọnọ karophiyọ na phiyọ ẹbẹre ọbe, wo phio phiyọ asan ru wọ da mrẹ ọkieje. Ihwo evo vwọ tanmuẹ ughegbe; efa ke rha vwọ tanmuẹ ẹchẹ rẹ ifriji rayen. Vwọba, efa me rha reyọ ifoto rẹ ẹkpo ri Baibol na ji phio phiyọ opharo rẹ ikọmputa yẹrẹ ifonu rayen.

• Reyo ẹbẹre ẹbe vwo ruiruo. Si ẹkpo ri Baibol na phiyọ akọkọ rẹ ọbe na kugbe eta evunrẹ rọyen phiyọ akọkọ ọfa. Rere wọ davwẹngba vwo se ẹkpo ri Baibol na kuyovwin kugbe asan ro nurhe.