UYONO 4

Ẹkpo rẹ Baibol ra Nabọ Vwọphia

Matiu 22:41-45

ỌDJẸKOKO: Muegbe rẹ ẹwẹn rẹ ihwo wọ ta ota kẹ na tavwen wo ki se ẹkpo rẹ Baibol.

Roro kpahen oboresorọ wo che vwo se ẹkpo rẹ Baibol na. Vwẹ ẹkpo rẹ Baibol na vwọphia vwẹ idjerhe rọ da nẹrhẹ ihwo tẹnrovi ẹkpo kiriguo wọ guọnọ nẹ ọ teyenphia.

Roro kpahen eta re riariẹ ẹkpo na phiyọ. Wo de che se ẹkpo rẹ Baibol jẹ wọ guọnọ djunute ohwo rọ ta ota na yẹrẹ ohwo ro siro, vwo imuẹro nẹ obo wọ cha ta na gbare.
Reyọ Baibol na vwọ ta ota. Wọ da guọnọ se Baibol kẹ ihwo ri vwo imuẹro kpahen Ọghẹnẹ, wọ sa tanẹ “Ota rẹ Ọghẹnẹ da ta,” ọnana che djephia nẹ Baibol na yen esiri rẹ aghwanre ro me yovwin kparobọ.
Kpare urhurusivwe rẹ ihwo kpahen ẹkpo rẹ Baibol na. Nọ onọ rẹ ẹkpọ rẹ Baibol na cha kpahenphiyọ, djunute ẹdia ọvo rẹ ẹkpo rẹ Baibol na cha rhuẹrẹphiyọ, yẹrẹ djunute uchebro ọvo rẹ ẹkpo rẹ Baibol na che djefiotọ.

Roro kpahen oborẹ ihwo wọ ta ota kẹ na riẹnre jovwo kpahen uyovwinrota na vẹ ẹkpo rẹ Baibol na. Ọ da tobọ dianẹ a nabọ riẹn ẹkpo rẹ Baibol na, reyọ vwọphia vwẹ idjerhe rọ da nẹrhẹ ihwo wọ ta ota kẹ na vwọ vwẹ ẹro ọfa vwo no.