Hiẹ Guọnọ Efe Eghanghanre ru Wo se Vwo Ruiruo

E de se Baibol na, avwanre sa guọnọ efe eghanghanre womarẹ e vwo ruẹ ehiahiẹ. Kẹ mavọ yen a sa vwọ mrẹ erere vọnvọn vwo nẹ ehiahiẹ na?

Hiẹ kodo wo vwo vwo ẹruọ rẹ ikuegbe rẹ Baibol. Kerẹ udje, davwẹngba vwọ riẹn ohwo ro si ẹkpo rẹ Baibol na, ohwo ro siro rhe, kugbe ọke ro vwo sio. Die yen phiare tavwen o ki sio, ọke ro vwo sio, kugbe ọke ro vwo sio nu?

Roro kpahen obo wo se yono norhe womarẹ wo vwo ruẹ ehiahiẹ kpahan enọ kerẹ: ‘Mavọ yen oma ru ihwo ru wo se kpahen na? Iruemu vọ yen ayen djephia? Diesorọ o vwo fo nẹ me vwẹrokere yẹrẹ kẹnoma kẹ iruemu rẹ ayen djephia na?’

Reyọ obo wo yonori na vwo ruiruo vwẹ iruo rẹ aghwoghwo na, ọtiọyen ji te ọke rẹ wẹ vẹ ihwo efa de ruẹ kuẹgbe. Wo de ruẹ ọtiọyen, kẹ wọ cha dia ọvwaghwanre, kirobo ri Baibol na tare nẹ: “Ono re ghwanre jọ kerhọn rẹ imu nana.”​—Un 107:43.

• Odjekẹ: Jokaphiyọ oborẹ uyono rẹ udughwren na, ẹbẹre rẹ Efe Rọhẹ Ota Rẹ Ọghẹnẹ vwọ vwẹ ukẹcha kẹ avwanre vwọ reyọ obo re yonori vwo ruiruo. Ẹbẹre nana vọnre vẹ enọ ra sa nọ oma avwanre, ẹkpo sansan re se roro kpahen, kugbe ihoho ra sa frẹkotọ roro kpahen.