Obo ra Reyọ Ividio re Vwo Ruẹ Uyono ri Baibol Vwo Ruiruo Wan

Avwanre vwo ividio re vwo ruẹ uyono ri Baibol ẹne re vwo ruiruo vwẹ aghwoghwo na. Diesorọ e vwo ru ọvuọvo rẹ ividio nana?

• 

  E ru ividio rẹ Diesorọ E Vwo Yono Baibol Na?​—Ọsoso rẹ Ividio Na ọ sa vwọ rhanriẹn urhurusivwe rẹ ihwo kpahen Baibol na, o toro ẹga rẹ ohwo na ra-a. Ividio na jiro kẹ ihwo ri no nẹ ayen hiẹ Baibol na vwọ guọnọ ẹkpahọnphiyọ rẹ enọ eghanghanre ri shekpahen akpeyeren, o ji djunute ẹkpahọnphiyọ ọvo ri Baibol na vwọphia, rọ sa nẹrhẹ a vwẹroso Baibol na. O djekpahen obo ra sa vwọ nokpẹn rẹ uyono ri Baibol.

• 

  E ru ividio rẹ Diesorọ E Vwo Yono Baibol Na? (ubro rọyen) họhọ ọsoso rẹ ividio na, ẹkẹvuọvo, o gron te ọsoso rẹ ividio na-a. O se fo vwọ kẹ asan rẹ ihwo de brokpakpa.

• 

  E ru ividio rẹ Mavọ Yen E Ruẹ Uyono ri Baibol Wan? rere ọ sa vwọ rhanriẹn urhurusivwe rẹ ihwo kpahen ọrhuẹrẹphiyotọ rẹ uyono ri Baibol rẹ ọphẹ rẹ avwanre ruẹ, ọ je kpahenphiyọ enọ rẹ ihwo nọ kpahen uyono ri Baibol na kugbe obo ra sa vwọ nokpẹn rẹ uyono ri Baibol.

• 

  E ru ividio rẹ Obo re Ruẹ Uyono ri Baibol Wan rere e se vwo hworo kẹ ohwo ra vwẹ uyono ri Baibol mu kẹ. Dede nẹ aruọbe rivẹ yen ividio na hepha vwẹ ọbe ri Vwo Omavwerhovwẹn Bẹdẹ! na, jẹ e ji se hworo ọke a vẹ ohwo de yono ibroshọ rẹ Vwo Omavwerhovwẹn Bẹdẹ! na. Ividio na djunute iyovwinreta rẹ ọbe na kugbe oborẹ ohwo re yono na se rhẹro rọyen vwẹ uyono na.

Dede nẹ o vwo oboresorọ re vwo ru ọvuọvo rẹ ividio na, jẹ e se hworo yẹrẹ vwọ kẹ ohwo siẹrẹ o de fo. E jiriro kẹ ighwoghwota nẹ ayen nabọ riẹn ividio na eje rere ayen sa vwọ reyọ ayen vwo ruiruo vọnvọn vwẹ iruo rẹ aghwoghwo na.