Ru Ona rẹ Aghwoghwo Wẹn Yovwin Phiyọ Reyọ Ividio Vwo Yono

OBORESORỌ Ọ VWỌ GHANRE:

Ividio se te ẹwẹn rẹ ihwo kidie ayen mrẹ, ayen ji nyo obo ra ta. Ọnana nẹrhẹ ayen mu ẹwẹn phiyọ, kẹ ayen sa karophiyọ ọke grongron. Jihova dje udje ro me yovwin ra vwọ reyọ ihoho vwo yono ihwo.—Iruo 10:9-16; Ẹvwọ. 1:1.

A cha reyọ ividio rẹ Ọghẹnẹ Vwo Odẹ?, Ono Yen Vwo Baibol Na?, kugbe Mavọ O Se Vwo Mu Avwanre Ẹro Nẹ Baibol Na Ọbe rẹ Uyota? vwọba uyono 2 kugbe 3 rẹ ibroshọ rẹ Iyẹnrẹn Esiri na. Ividio na Diesorọ E Vwo Yono Baibol Na?, Mavọ Yen E Ruẹ Uyono ri Baibol Wan?, kugbe Die Yen E Ruẹ Vwevunrẹ Ọguan Ruvie? vwẹ ukẹcha kẹ ihwo vwo yono Baibol na yẹrẹ kpo omẹvwa rẹ avwanre. A je sa reyọ ividio evo re pha grongron vwo ru uyono rẹ Baibol.—km 5/13 3.

OBO RE CHE RUO WAN:

• Danlodu rẹ ividio wọ guọnọ dje kẹ ohwo ro vwo uwevwin na

• Muegbe rẹ onọ ọvo yẹrẹ ivẹ rẹ ividio na cha kpahenphiyọ

• Ovwan ni ividio na kugbe

• Ta ota kpahen ẹkpo kiriguo rehẹ evun rọyen

DAVWEN IROROẸJẸ NANA:

• Rhie kpo obuko rẹ ọvo usun rẹ itrati rẹ avwanre, rere wo dje ikodu rọ cha reyọ ohwo kpo asan ra da mrẹ ividio rẹ Diesorọ E Vwo Yono Baibol Na?

• Dje ividio na Mavọ o se Vwo Mu Avwanre Ẹro Nẹ Baibol Na Ọbe rẹ Uyota? rere wọ vwẹ ibroshọ rẹ Iyẹnrẹn Esiri na vwọ kẹ, kanrunumu uyono 3