Reyọ Ọbe rẹ Vwo Omavwerhovwẹn Bẹdẹ! Vwọ Bọn Esegbuyota Wẹn Gan Kpahen Jihova vẹ Jesu

E se vwo ru obo ri je Ọghẹnẹ, ofori nẹ ihwo ra vwẹ Baibol yono bọn esegbuyota rayen gan. (Hib. 11:6) E se te ubiudu rayen womarẹ a vwọ reyọ ọbe ri Vwo Omavwerhovwẹn Bẹdẹ! vwo ruiruo. Ẹbe nana vwo ẹkpo ri Baibol evo, iroroẹjẹ, ividio ri si urhuru kugbe ihoho iyoyovwin. Erọnvwọn re sa wan erhanre vrẹ yen a cha vwọ bọn, rere ihwo ra vwẹ Baibol yono se vwo vwo omamọ rẹ uruemu rẹ Onenikristi ji vwo oyerinkugbe vẹ Ọghẹnẹ.—1 Kọr. 3:12-15.

Ihwo evo no nẹ ọ pha bẹnbẹn a vwọ dia ugbeyan rẹ Ọghẹnẹ rẹ ayen mrẹ-ẹ. Ọtiọyena, ofori nẹ a chọn ayen uko rhe vwọ riẹn Jihova je vwẹrosuọ.

NI IVIDIO NA REYỌ ỌBE RẸ “VWO OMAVWERHOVWẸN BẸDẸ!” VWỌ BỌN ESEGBUYOTA WẸN GAN KPAHEN JIHOVA, RERE WỌ KPAHENPHIYỌ ENỌ NANA:

• Mavọ yen e ru riẹn nẹ oniọvo aye na nabọ muegbe vwọ kẹ uyono na?

• Mavọ yen oniọvo na vwọ reyọ enọ vwọ riẹn ẹwẹn rẹ ohwo rọ vwẹ Baibol yono kpahen Aizaya 41:10, 13?

• Mavọ yen ividio vẹ ẹkpo ri Baibol na vwo te ohwo ra vwẹ Baibol yono na ẹwẹn?

Ihwo buebun riẹn oborẹ ọtanhirhe na mudiaphiyọ-ọ, ayen tobọ mrẹ kerẹ okẹ rẹ Ọghẹnẹ vwọ kẹ aye-en. (Gal. 2:20) Ọtiọyena, ofori nẹ a chọn ayen uko vwọ bọn esegbuyota kpahen ọtanhirhe na.

NI IVIDIO NA REYỌ ỌBE RẸ “VWO OMAVWERHOVWẸN BẸDẸ!” VWỌ BỌN ESEGBUYOTA WẸN GAN KPAHEN JESU, RERE WỌ KPAHENPHIYỌ ENỌ NANA:

• Mavọ yen e ru riẹn nẹ oniọvo ọshare na nabọ muegbe vwọ kẹ uyono na?

• Mavọ yen oniọvo na vwọ reyọ ẹbẹre ri “Hiẹ guọnọ” vwọ chọn ohwo ro yono na uko?

• Diesorọ ẹrhovwo vwọ ghanre kẹ ohwo re yono na?