Egbada-ẹdjẹ rẹ Oghẹresan ra Cha Vwọ Ton Uyono ri Baibol Phiyọ Vwẹ September

Vwẹ emeranvwe ri September, a cha davwẹngba vwọ reyọ ibroshọ rẹ Vwo Omavwerhovwẹn Bẹdẹ! na vwọ vwẹ uyono ri Baibol vwo mu kẹ ihwo. Ighwoghwota se brorhiẹn rẹ ayen vwọ niyẹnrẹn rẹ inọke 30 kerẹ ekobaro ubrọke vwẹ emeranvwe yena. Mavọ yen e se vwo vwobọ vwẹ egbada-ẹdjẹ rẹ oghẹresan nana?

• Vwẹ Obọ Rẹsosuọ: Reyọ obuko rẹ ibroshọ na vwọ kpare urhurusivwe rẹ ohwo na ji djudje rẹ uyono ri Baibol vwọ kẹ. Karophiyọ ihwo ri ke dje owenvwe phia jovwore kugbe irhivwinbrura wẹn. Ọ da dianẹ ayen ka sen yẹrẹ dobọ rẹ uyono na ji jovwore, ayen sa rhoma rhi vwo owenvwe rẹ ayen vwọ reyọ ibroshọ kpokpọ na vwo ru uyono ri Baibol. E jẹ a yanjẹ ibroshọ na vwo vwọ kẹ ihwo rehẹ uwevwi-in, yẹrẹ phio phiyọ ileta vwo rhe ihwo ri dje owenvwe phia-a. Umẹ Rọvwẹrote Iruo rẹ Ẹga rẹ Ukoko na se ru ọrhuẹrẹphiyotọ rẹ omẹvwa rẹ aghwoghwo efa vwọba e rẹ ukoko na vwori jovwo vwẹ emeranvwe yena.

• Uphẹn Efa ri se Rhiephiyọ: Ọ da dianẹ ukoko wẹn reyọ imikpekpa vwo ruiruo, ovwan se phi ibroshọ rẹ Vwo Omavwerhovwẹn Bẹdẹ! na phiyọ. Vuẹ ihwo ri dje owenvwe phia kpahen ibroshọ na nẹ a reyọ vwo ruẹ uyono ri Baibol rẹ ọphẹ. Djudje rẹ uyono ri Baibol na vwọ kẹ kprẹn ichichiyin na yẹrẹ wẹ vẹ ọyen rhuẹrẹ ọke ọfa phiyọ. Oniruo rọvwẹrote iruo rẹga na sa sanẹ ighwoghwota re tẹn ona rere ayen kpo asan ra da chueki ra vwẹ uyono ri Baibol vwo mu kẹ ihwo vwẹ etiyin. Wọ je sa vwẹ uyono ri Baibol vwo mu kẹ ihwo ru wẹ vẹ ọyen gbe ruiruo yẹrẹ ihwo ru wo ghwoghwota kẹ kpregede.

Jesu vwẹ iji vwọ kẹ avwanre nẹ, e “gbe idibo rẹ ihworakpọ” ji “yono ayen.” (Mat. 28:19, 20) E jẹ egbada-ẹdjẹ rẹ oghẹresan nana chọn avwanre uko vwo ru ọnana wiẹn womarẹ a vwọ reyọ Vwo Omavwerhovwẹn Bẹdẹ! vwo ruiruo.