Egbada-Ẹdjẹ rẹ Oghẹresan re Che Vwo Ghwoghwo Uvie rẹ Ọghẹnẹ Vwẹ September!

Vwẹ September, avwanre cha davwẹngba vwo ghwoghwo kẹ ihwo nẹ Uvie rẹ Ọghẹnẹ ọvo yen se si ebẹnbẹn rẹ ihworakpọ no. (Mt 24:14) Mavọ yen wo se vwo vwobọ vwọ? Se ẹkpo ri Baibol ọvo ro shekpahen Uvie rẹ Ọghẹnẹ kẹ ihwo ru wo se se kẹ vwẹ emeranvwe na. Ohwo de dje omavwerhovwẹn phia, gba reyọ Uwevwin Orhẹre re phiẹ phiyọ ada na Ukeri 2 2020 vwọ kẹ. Fobọ nenesi rẹ ohwo ro dje omavwerhovwẹn phia na, wọ me je davwẹngba vwọ ton uyono ri Baibol phiyọ vẹ ibroshọ rẹ Vwo Omavwerhovwẹn Bẹdẹ! Ihwo re guọnọ dia ekobaro ubrọke se ru inọke 15 yẹrẹ 30 vwẹ emeranvwe nana.

O rhe che kri-i, Uvie rẹ Ọghẹnẹ kọ cha ghwọrọ usuon rẹ ihworakpọ na eje no. (Da 2:44; 1Kọ 15:​24, 25) Ọtiọyena, e jẹ avwanre reyọ uphẹn rẹ ogherẹsan na vwo ruiruo vọnvọn e vwo djephia nẹ e bicha Jihova vẹ Uvie rọyen!