MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Chọn Ihwo wo Yono Baibol Uko Vwọ Dobọ rẹ Erharhe Iruemu Ji
Ihwo rẹ iruemu rayen fonro ọvo yen vẹ Jihova se vwo oyerinkugbe ọkpẹkpẹkpẹ. (1 Pita 1:14-16) Ihwo re yono Baibol de siobọnu erharhe iruemu rẹ ayen vwori jovwo, ọnana cha nẹrhẹ ayen vwo omakpokpọ, igho kugbe omavwerhovwẹn rẹ orua.
Nabọ dje iwan rẹ Jihova fiotọ vwọ kẹ ayen, oboresorọ rẹ Jihova vwọ tanẹ e nene ayen vẹ erere ro che norhe siẹrẹ a da reyọ ayen vwo ruiruo. Tẹnrovi obo wọ sa vwọ chọn ihwo wo yono Baibol uko vwo wene iroro rayen, ọtiọyena, kẹ ayen che ru oborẹ Jihova guọnọre. (Ẹfe. 4:22-24) Vwẹ imuẹro kẹ ayen nẹ womarẹ ukẹcha ri Jihova, ayen sa dobọ rẹ erharhe iruemu rẹ ayen vwori jovwo ji. (Fil. 4:13) Yono ayen vwọ nẹrhovwo rhe Jihova ọke rẹ ayen de vwo urhurusivwe rẹ ayen vwo ru obo re chọre. Chọn ayen uko vwo vwo oniso je kẹnoma kẹ erọnvwọn re sa nẹrhẹ ayen shero ọdavwini. Jiro kẹ ayen nẹ ayen de vwo omamọ iruemu, ọ cha ghwa erhuvwu vwo rhe ayen ukperẹ ayen vwo ru obo re brare. Wo che vwo aghọghọ siẹrẹ wọ da mrẹ ohwo wọ vwẹ Baibol yono o ru ewene womarẹ ukẹcha rẹ Jihova.
NI IVIDIO NA CHỌN IHWO WO YONO BAIBOL UKO VWỌ KẸNOMA KẸ ERHARHE RẸ IRUEMU, RERE WỌ KPAHENPHIYỌ ENỌ NANA:
Idjerhe vọ yen ekpako na vẹ Neeta vwọ vwẹroso Jade?
Ukẹcha ọfa vọ yen Neeta vwọ kẹ Jade?
Idjerhe vọ yen Jade vwọ guọnọ ukẹcha rẹ Jihova?