Rhiabọreyọ Ukẹcha ri Jihova Womarẹ Ẹrhovwo

Jihova yen nẹrhẹ ubi rẹ uyota na tan awọ muotọ je djẹ vwẹ ubiudu rẹ ohwo. (1 Kọr. 3:6-9) Ọtiọyena, e ki se phikparobọ vwẹ iruo rẹ aghwoghwo na, ofori nẹ a vwẹroso Jihova nẹ ọ cha chọn avwanre uko vẹ ihwo ra vwẹ Baibol yono.

Nẹrhovwo rhẹ Jihova nẹ ọ chọn ohwo re yono na uko vwo chirakon rẹ okeke ji yerin ghene ebẹnbẹn ro hirharokuẹ. (Fil. 1:9, 10) Ta oborẹ wọ guọnọ na dẹn. Yare ukẹcha rẹ ẹwẹn ọfuanfon na rere o sun iroro vẹ uruemu wẹn. (Luk 11:13) Yono ihwo ru wọ reyọ Baibol vwo yono obo ra nẹrhovwo, wo mi ji jiro kẹ ayen nẹ ayen ru ọtiọyen. Se odẹ rẹ ihwo wọ vwẹ Baibol yono siẹrẹ wọ da nẹrhovwo romobọ kugbe ọke wẹ vẹ ayen de che yono.

NI IVIDIO NA MRẸ AGHỌGHỌ RỌHẸ IRUO RẸ ODIBO EGBE NA—RHIABỌREYỌ UKẸCHA RI JIHOVA—ẸRHOVWO, RERE WỌ KPAHENPHIYỌ ENỌ NANA:

• Egbabọse vọ yen Neeta hirharoku ọke rẹ ọ vẹ Jade vwo yono?

• Mavọ yen 1 Kọrẹnt 3:6 vwọ chọn Neeta uko?

• Mavọ yen a rhuẹrẹ ebẹnbẹn ri Neeta na phiyọ wan?