MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Chọn Ihwo Wọ Vwẹ Baibol Yono Uko Vwo Vwo Omamọ Oyerinkugbe vẹ Jihova
Jihova guọnọre nẹ avwanre ga ọyen fikirẹ ẹguọnọ avwanre vwo kpahọn. (Mat. 22:37, 38) Ẹguọnọ rẹ ihwo re yono Baibol vwo kpahen Ọghẹnẹ yen che mu ayen vwo ru ewene ri fori ji mudiagan vwẹ ọke rẹ edavwini. (1 Jọn 5:3) Ẹguọnọ rẹ ayen vwo kpahen Ọghẹnẹ yen che mu ayen vwo bromaphiyame.
Chọn ihwo wo yono Baibol uko vwọ mrẹvughe nẹ Ọghẹnẹ vwo ẹguọnọ rayen. Nọ enọ kerẹ, “Die yen ọnana yono uwe kpahen Jihova?” yẹrẹ “Idjerhe vọ yen ọnana vwo djephia nẹ Ọghẹnẹ vwo ẹguọnọ wẹn?” Chọn ayen uko vwo vwo oniso oborẹ Jihova vwọ vwẹ ukẹcha vwọ kẹ ayen komobọ. (2 Ikun 16:9) Vuẹ ayen oborẹ Jihova vwọ kpahenphiyọ ẹrhovwo sansan kiriguo rẹ wọ nẹre vwẹ obuko re, wọ me jẹ chọn ayen uko vwo vwo oniso oborẹ Jihova vwọ kpahenphiyọ ẹrhovwo rayen. Oma vwerhen avwanre mamọ siẹrẹ ihwo re yono Baibol da mrẹvughe nẹ Jihova vwo ẹguọnọ rayen, ji djephia nẹ ayen vwo ẹguọnọ rẹ Jihova je guọnọ dia igbeyan rọyen.
NI IVIDIO NA CHỌN IHWO WO YONO BAIBOL VWO VWO UVI RẸ OYERINKUGBE VẸ JIHOVA, RERE WỌ KPAHENPHIYỌ ENỌ NANA:
Ebẹnbẹn vọ yen Jade hirharoku?
Mavọ yen Neeta chọn Jade uko wan?
Idjerhe vọ yen Jade vwo phi ebẹnbẹn na kparobọ?