Chọn Ihwo Wo Yono Baibol Uko Vwọ Kẹnoma kẹ Erharhe rẹ Igbeyan

Ihwo re yono Baibol se vwo vwo uvi rẹ oyerinkugbe vẹ Jihova, ofori nẹ ayen vwo omamọ rẹ igbeyan. (Une 15:1, 4) Omamọ rẹ igbeyan tiọyena cha chọn ayen uko vwo ru obo ri yovwinri.—Isẹ 13:20; lff uyono 48.

Phi oma wẹn phiyọ ẹdia rẹ ihwo ru wo yono siẹrẹ wọ da vwẹ ukẹcha kẹ ayen kpahen oborẹ ayen sa vwọ kẹnoma kẹ erharhe igbeyan. Ọ sa bẹn rẹ ayen vwọ kpairoro vrẹ igbeyan rehẹ obẹ akpọ rẹ ayen vwori jovwo. Ọtiọyena, vwẹ ọke efa vwo djephia nẹ wo vwo ọdavwẹ rayen, ọ dia ọke wẹ vẹ ayen de yono Baibol na ọvo-o. Ọnana se churobọsi re vwo si ovuẹ rhe ayen, se ayen vwẹ ifonu yẹrẹ kọ bru ayen ra. Ihwo ru wo yono Baibol na vwọ yanphiaro ye, wo se durhie ayen boma siẹrẹ wẹ vẹ iniọvo na da guọnọ ghwọrọ ọke kuẹgbe. Ọtiọyena, ayen ke cha mrẹvughe nẹ ayen fiabọ rẹ emuọvo-o. (Mak 10:29, 30) Oma je cha vwerhen owẹ wọ da mrẹvughe nẹ orua ri Jihova rhuaphiyọ ọkieje.

NI IVIDIO NA CHỌN IHWO WO YONO BAIBOL UKO VWỌ KẸNOMA KẸ ERHARHE RẸ IGBEYAN, RERE WỌ KPAHENPHIYỌ ENỌ NANA:

• Amono yen erharhe igbeyan?—1 Kọr. 15:33

• Mavọ yen Jade vwọ vwẹ ẹwẹn roro kpahen oborẹ Inenikristi riakpọ wan?

• Ukẹcha vọ yen Neeta vwọ kẹ Jade vwọ kpairoro vrẹ erharhe igbeyan?