Muegbe Ọkieje Vwẹ Uvwre rẹ Ọke rẹ Oboba rẹ “Ẹdẹ Na”

Avwanre vwo chirakon rẹ oboba rẹ “ẹdẹ na” e jẹ a rhẹro rọyen nẹ erọnvwọn cha rha braphiyọ. (2 Tim. 3:1; nwtsty study note rọhẹ Mat. 24:8) Oghwọrọ ri kpregede da phia, ihwo ri Jihova fobọ mrẹ odjekẹ ro fo aruọke ro che sivwin arhọ rayen. E se vwo sivwinrhọ ọke yena, ofori nẹ a bọn esegbuyota rẹ avwanre gan asaọkiephana, ji muegbe ekuakua ra guọnọre phiyotọ.—Luk 16:10.

• Bọn esegbuyota wẹn gan asaọkiephana: Vwo omamọ rẹ ọrhuẹrẹphiyotọ. Yono idjerhe sansan re vwo ghwoghwo. Vwo jẹ udu bru we kidie nẹ wọ hẹriẹ oma nẹ iniọvo efa ọmọke krẹ-ẹn. (Aiz. 30:15) Jẹ o muwẹro nẹ wo sherabọ kẹ Jihova vẹ Jesu-u.—od 176 ẹko. 15-17

• Muegbe ekuakua ra guọnọre phiyotọ: Vwọba ekpu ra cha ghwẹ ekuakua phiyọ, ofori nẹ orua ọvuọvo sẹro rẹ emu, ame, ihuvwun kugbe erọnvwọn efa ọ da dianẹ wọ cha yanran ra dia asan ọvo vwẹ ọmọke.—Isẹ 22:3; g17.5 4, 6

NI IVIDIO NA WO MUEGBE VWỌKẸ OGHWỌRỌ RI KPREGEDE? RERE WỌ KPAHENPHIYỌ ENỌ NANA:

• 

  Mavọ yen avwanre se vwo muegbe hẹrhẹ oghwọrọ ri kpregede?

• 

  Diesorọ ọ vwọ ghanre re vwo. . .

  • vwo omamọ rẹ otaẹtakuẹgbe vẹ ekpako na?

  • muegbe rẹ ekpu wo phi erọnvwọn evo phiyọ?

  • djekpahen oka rẹ oghwọrọ sansan re sa phia vẹ obo re che ru vwẹ ẹdia ọvuọvo?

• 

  Idjerhe erha vọ yen a sa vwọ vwẹ ukẹcha kẹ ihwo rẹ oghwọrọ te oma?

NỌ OMA WẸN, ‘Die yen mi se yono kpahen egbemuo vwo nẹ ọga ri COVID-19 na?’