Wo Muegbe Hẹrhẹ Ozighi rọ sa Vwomaphia?

Oba rẹ eyeren nana vwo siẹkẹrẹ phiyọ na, avwanre rhẹro rẹ ozighi, ohwekufia kugbe ifovwin ri che rhe buẹnphiyọ. (Ẹvwọ. 6:4) Mavọ e se vwo muegbe hẹrhẹ ebẹnbẹn nana?

• Muegbe wọ vwọ sẹro rẹ oyerinkugbe wẹn vẹ Jihova: Guọnọ iyono ri Baibol sansan re sa chọn wẹ uko vwọ kpuriẹnphiyọ ẹroẹvwọsuọ wẹn kpahen Jihova, ukoko na vẹ e re sa chọn wẹ uko wo vwo jẹ ẹbẹre ọvo rẹ akpọ na ẹka. (Isẹ 12:5; jr 125-126 ¶23-24) Ọnana yen ọke ro fori a vwọ bọn oyerinkugbe rẹ avwanre vẹ iniọvo rẹ ukoko na ganphiyọ.—1 Pita 4:7, 8

• Muegbe ekuakua wọ guọnọre wọ sa vwọ sẹro rẹ omakpokpọ wẹn: Jẹ iroro rẹ asan ru wo sa vwẹ oma da phiyotọ wọ je sẹro rẹ ekuakua ru wo rorori nẹ wọ sa guọnọ vwẹ uvwre rẹ ọke ọvo. Vwọba, muegbe rẹ asan wọ sa wan djẹ vẹ asan wọ sa djẹ ra. Nọke ra ruọke fuẹrẹn ekuakua ru wo phi phiyọ emekpu ru wo se fru vwọ djẹ, wo mi ji phi ekuakua kerẹ hand glove, nose mask vẹ igho phiyọ. Riẹn obo wọ sa vwọ vwẹ ovuẹ vwo te ekpako na obọ, wo mi ji vwo imuẹro nẹ ayen je riẹn oborẹ ayen sa vwọ vwẹ ovuẹ vwo te we obọ.—Aiz. 32:2; g17.5 3-7

Ọke rẹ ozighi na da hẹ otọ re, vwobọ vwẹ iruo rẹ ẹga na vọnvọn. (Fil. 1:10) Kẹnoma kẹ e vwo vrẹn nẹ asan kpo asan jokpanẹ wọ kua kpo asan ọfa ro me fuoma. (Mat. 10:16) Wẹ vẹ ihwo efa ghare emu vẹ ekuakua efa ru wo vwori.—Rom 12:13.

NI IVIDIO NA WO MUEGBE VWỌ KẸ OGHWỌRỌ RI KPREGEDE RE? RERE WỌ KPAHENPHIYỌ ENỌ NANA:

• Idjerhe vọ yen Jihova sa vwọ chọn avwanre uko vwẹ ọke rẹ ukpokpogho?

• Die yen e se ru vwo muegbe phiyotọ?

• Mavọ yen e se ru vwọ vwẹ ukẹcha kẹ ihwo efa rẹ oghwọrọ te oma?