Wo Muegbe?

Wo muegbe hẹrhẹ oghwọrọ ri kpregede rọ sa phia vwẹ ekogho wẹn re? Etọ sa bẹre, odju ọgangan se dju, erhanre sa ro ẹghwa ride, oghwe rode je sa so oghwọrọ rode. Vwọba, ohwekufia, ohọnre, ozighi vẹ ega sa vwomaphia kpregede. (Aghwo. 9:11) E jẹ avwanre roro nẹ oghwọrọ tiọyena cha sa phia vwẹ asan rẹ avwanre dia-a.

E jẹ avwanre ohwo vuọvo jowọ re vwo muegbe hẹrhẹ oghwọrọ. (Isẹ 22:3) Dede nẹ ukoko ri Jihova vwẹ ukẹcha phia ọke rẹ oghwọrọ da phia, ofori nẹ avwanre muegbe komobọ.—Gal. 6:5.

NI IVIDIO NA WO MUEGBE VWỌKẸ OGHWỌRỌ RI KPREGEDE? RERE WỌ KPAHENPHIYỌ ENỌ NANA:

• 

  Idjerhe vọ yen omamọ rẹ oyerinkugbe vẹ Jihova sa vwọ chọn avwanre uko ọke rẹ oghwọrọ da phia?

• 

  Diesorọ ọ vwọ ghanre re vwo . . .

  • • nene ekpako na ta ota ọkieje tavwen oghwọrọ na ke vwomaphia, uvwre rẹ ọke oghwọrọ na vẹ ọke rọ da phia nu?

  • • muegbe rẹ ekpu wo phi erọnvwọn evo phiyọ?—g17.5 6

  • • djekpahen oka rẹ oghwọrọ sansan re sa phia vẹ obo re che ru vwẹ ẹdia ọvuọvo?

• 

  Idjerhe erha vọ yen a sa vwọ vwẹ ukẹcha kẹ ihwo rẹ oghwọrọ te oma?