Idjerhe Sansan Ra Sa Vwọ Reyọ JW Library Vwo Ruiruo

UYONO ROMOBỌ

• Se Baibol na kugbe ọbe kẹdẹ kẹdẹ

• Se Yearbook, imagazini, kugbe ẹbe efa. Reyọ ẹbẹre rẹ bookmark na vwo ruiruo

• Muegbe kẹ iyono, ji gbe eta wọ guọnọ joka phiyọ

• Ni ividio

EMẸVWA:

• Ni ẹkpo rẹ Baibol rẹ ọtota na djunute. Reyọ ẹbẹre rẹ history vwo rhivwin kpo ẹkpo rẹ Baibol

• Ukperẹ wọ vwọ ghwa ẹbe buebun nene oma kpo uyono, vwẹ ifonu wẹn vwo ruiruo vwẹ ẹbẹre sansan rẹ uyono na kugbe ine ẹsuọ. Ine kpokpọ re ji rhi phi ba ọbe rẹ une na-a, hẹ evunrẹ JW Library

AGHWOGHWO:

• Dje orọnvwọn ọvo rọhẹ JW Library vwọ kẹ ohwo ro dje omavwerhovwẹn phia, rere wọ vwẹ ukẹcha kẹ vwọ danlodu rẹ aplikeshọni na vẹ ẹbe avwanre phiyọ ifonu rọyen

• Reyọ ẹbẹre rẹ search vwọ guọnọ owọrota rẹ Baibol. Wọ rha mrẹ eta evo vwẹ New World Translation ra rhoma si na-a, wene Baibol na kpo Reference Bible rere wọ rhoma hiẹ kẹ eta rẹ wọ guọnọ na

• Hworo ividio. Ohwo ro vwo uwevwin na de vwo emọ, wo se hworo ọvo vwẹ usun rẹ ividio rẹ Dia Ugbeyan ri Jihova na. Yẹrẹ wo se hworo ividio rẹ Diesorọ E Vwo Yono Baibol Na? wọ kpare urhurusivwe rẹ ohwo kpahen uyono rẹ Baibol. Ọ da dianẹ ohwo jẹ ejajẹ ọfa, hworo ividio kẹ vwẹ ejajẹ rọyen

• Dje ẹkpo rẹ Baibol rẹ ejajẹ ọfa rẹ wọ danlodu kẹ ohwo. Kpo ẹkpo rẹ Baibol na, kliki rẹ owọrota na, rere wo kliki rẹ asan wọ da cha mrẹ efanfan efa rẹ owọrota yena