Egbada-ẹdjẹ rẹ Edurhie Vwo Kpo Ọghwẹkoko

Kukpe kukpe yen avwanre vwọ rhẹro rẹ iyono rẹ Baibol rẹ avwanre cha re avwerhen rọyen vwẹ eghwẹkoko rẹ ubrotọ rẹ avwanre. Rere ihwo efa vwọ riẹn nẹ Jihova yoma, avwanre davwẹngba vwo durhie ihwo buebun rere ayen nene avwanre kpo eghwẹkoko na. (Une 34:8) Ekpako rẹ ukoko ọvuọvo yen che brorhiẹn rẹ oborẹ a cha ghare ọmọbe rẹ edurhie na.

OBO RA CHA KAROPHIYỌ

• Ẹdẹ vọ yen ọghwẹkoko mẹ?

• Ẹdẹ vọ yen ukoko mẹ cha vwọ ton egbada-ẹdjẹ na phiyọ?

• Ọke vọ yen e vwo ru omẹvwa rẹ aghwoghwo vwẹ ukoko mẹ?

• Ẹkẹn vọ yen mi bru kẹ oma mẹ vwọ kẹ egbada-ẹdjẹ na?

• Amono yen mi che durhie?

DIE WỌ CHA TA?

Wo de yeren ohwo na nu, wọ sa ta:

“Avwanre vwobọ vwẹ egbada-ẹdjẹ rẹ akpọeje rere e vwo durhie ihwo rhe ọghwẹkoko rẹ avwanre. Ẹdẹ, ọke, vẹ adrẹsi na hẹ ọmọbe edurhie na. Oma cha vwerhen avwanre siẹrẹ wọ da vwomaba avwanre.”

MAVỌ WO SE VWO NENESI RẸ IHWO RI DJE OMAVWERHOVWẸN PHIA?

Dede nẹ, avwanre cha davwẹngba vwo durhie ihwo buebun kpo ọghwẹkoko na, avwanre vwo oniso rẹ ihwo ri dje omavwerhovwẹn phia.

Vwẹ oba rẹ udughwrẹn na, avwanre se phi imagazini vẹ ọbe rẹ edurhie na phiyọ ada.