Ihwo vọ Yen Mi Se Durhie?

Kukpe kukpe yen avwanre vwọ davwẹngba vwo durhie ihwo rehẹ asan rẹ avwanre de ghwoghwo rere ayen vwọ vwomaba avwanre vwo ru Ẹkarophiyọ rẹ ughwu ri Jesu. Buebun rayen erhorha kẹ avwanre. Ofori nẹ avwanre ji durhie ihwo rẹ avwanre vugheri. Ihwo rẹ avwanre vugheri rẹ avwanre ji durhie eyen ma cha. (yb08 11 ẹko. 3; 14 ẹko. 1) Ihwo vọ yen wo se durhie?

• Ihwo rẹ orua

• Ihwo wo nene ruiruo yẹrẹ emọ isikuru wẹn

• Ihwo re dia kẹrẹ owẹ

• Irhivwinbrura kugbe ihwo wọ vwẹ Baibol yono jovwo vẹ i ri wo yono asaọkiephana

Vwọba, ekpako na che durhie ihwo re dobọ rẹ iruo rẹ ẹga na ji. Ọ da dianẹ ohwo wo vugheri na dia asan ọfa vwo? Wọ sa guọnọ ọke vẹ asan re de che ru Ẹkarophiyọ na vwẹ asan rọ dia siẹrẹ wo de kliki rẹ KPAHEN AVWANRE vwẹ aruọbe rẹsosuọ rẹ jw.org, wo kpo “Ẹkarophiyọ.” Wo vwo muegbe vwọ kẹ irueru rẹ enukpe na, roro kpahen ihwo wo se durhie, rere wọ davwẹngba vwo durhie ayen.